կարևոր
412 դիտում, 4 շաբաթ առաջ - 2021-10-27 17:08

Պաշտպանության նախարարությունը պատասխանում է, որ բարձրացված հարցերը իրենց իրավասությունից դուրս են. հիմա ո՞ւմ ուղղեմ հարցս. Գեղամ Մանուկյան

Պաշտպանության նախարարությունը պատասխանում է, որ բարձրացված հարցերը իրենց իրավասությունից դուրս են. հիմա ո՞ւմ ուղղեմ հարցս. Գեղամ Մանուկյան

Սիրելի հայրենակիցներ, Նիկոլ Փաշինյանը նոր հայտարարեց, որ 2020 թվականի դեկտեմբերից մեր զորքերը կանգնած են Փելա սարում: Հետաքրքրական է` 2020 թվականի նոյեմբերի 9-ի հայտարարությամբ զորքերը կանգնելու էին այնտեղ, որտեղ կանգնած էին, այդ թվում` Կապանում: Այս մասին կառավարության հետ հարցուպատասխանի ժամանակ ասաց  «Հայաստան» խմբակցության պատգամավոր Գեղամ Մանուկյանը։ 

Պաշտպանության նախարարություն հարցում եմ ուղարկել, մի քանի հարցերից՝ արդյոք 2020 թվականի դեկտեմբերի 17, 18-ին և դրան հաջորդող օրերին զինված ուժերի ստորաբաժանումների և կամավորական խմբերի ետքաշման համար տրվե՞լ է պաշտոնական հրաման, եթե այո, ապա ու՞մ կողմից: Նման հրամանի առկայության պայմանում ինչի՞ հիման վրա է այդպիսի որոշում կայացվել, զինված ուժերի ստորաբաժանումների, կամավորական խմբերի ետքաշումից առաջ, Հայաստանի Հանրապետությունում, այդ թվում Պաշտպանության նախարարի կողմից, ստորագրվե՞լ է այդպիսի պայամանագիր: Եթե այո, ապա ու՞մ կողմից է ստորագրվել:

Շուրջ մեկ ամիս հետո Զինված ուժերի մասին հարցումներից հետո Պաշտպանության նախարարությունը պատասխանում է, որ բարձրացված հարցերը ՊՆ-ի իրավասությունից և լիազորություններից դուրս են:

«Հիմա ու՞մ ուղղեմ հարցս՝ ԿԳՄՍ երկար անուն ունեցող նախարարությա՞նը, թե՞ Առողջապահության նախարարությանը, կառավարությո՛ւն», - ասաց պատգամավորը։

Ալեն Սիմոնյանը առաջարկեց գրավոր ուղղել հարցը:

Պատգամավորը ասաց, որ դիմել է Պն-ին, բայց պատասխանել են, որ իրենց իրավասության սահմաններում չէ, հիմա հարցն ու՞մ պետք է ուղղեմ: