կարևոր
424 դիտում, 1 ամիս առաջ - 2021-10-25 13:22

Օրախնդիր հարցրերով երկու գործիքակազմ է ներառվել վաղվանից մեկնարկող ԱԺ նստաշրջանի օրակարգ. Արծվիկ Մինասյան

Խորհրդարանական ընդդիմությունը վաղվանից մեկնարկող ԱԺ նստաշրջան է ներառել երկու գործիքակազմ օրախնդիր հարցրերով՝ այս մասին տեղեկացրեց ՀՅԴ Հայաստանի ԳՄ անդամ, ԱԺ «Հայաստան» խմբակցության քարտուղար Արծվիկ Մինասյանը ԱԺ «Հայաստան» և «Պատիվ ունեմ» խմբակցությունների համատեղ մամուլի ասուլիս ժամանակ։

Նա վստահեցրեց, որ խորհրդարանական ընդդիմությունը մշտապես հայտարարել է, որ պետք է օգտագործի թե՛ խորհրդարանական, թե՛ արտախորհրդարանական բոլոր գործիքակազմերն ու հնարավորությունները։

Գործիքակազմերից մեկը քննիչ հանձնաժողովի մեխանիզմն է։

«Այս պահին օրակարգում է «Հայաստան» համահայկական հիմնադրամի կողմից 2020 թ-ի սեպտեմբերի 27-ից անմիջապես հետո հավաքագրված միջոցները ՀՀ կառավարությանը փոխանցելու հարցը, երկրորդ քննիչ հանձնաժողովը արդարադատության ոլորտում է, որն արդեն դրվել է շրջանառության մեջ՝ դիմումը ներկայացված է, ամենայն հավանականությամբ դա հաջորդ շաբաթվա ընթացքում կլինի»,-ասաց Արծվիկ Մինասյանը։

Երկրորդ գործիքը, որն օգտագործվում է և վաղվա նիստում ներառված է՝ ԱԺ կանոնակարգ օրենքով և ՀՀ Սահմանադրությամբ նախատեսված՝ հանրային հետաքրքրություն ներկայացնող հրատապ թեմայով քննարկումն է։

«Այն վերաբերում է Հայաստանի և Ադրբեջանի շփման գծում տիրող իրավիճակին և դեմարկացիայի խնդիրներին։ Մենք մտադիր ենք այս հարցի մասին ունենալ ոչ միայն ամենաարդյունավետ քննարկումներից մեկը, այլև վերջում առաջադրել կոնկրետ հայտարարության նախագիծ՝ ուղղված ոչ միայն միջազգային հանրությանը, մեր քաղաքացիներին, այլ նաև գործադիր իշխանությանը՝ իր սահմանադրական, օրինական պարտավորությունները կատարելու առումով»,-վստահեցրեց Արծվիկ Մինասյանը։

Մանրամասները՝ տեսանյութում: