կարևոր
703 դիտում, 1 ամիս առաջ - 2021-10-23 11:19

Պատգամավոր Դավիթ Սեդրակյանը հրաժարականի դիմում է ներկայացրել

Պատգամավոր Դավիթ Սեդրակյանը հրաժարականի դիմում է ներկայացրել

«Ազգային ժողովի կանոնակարգ» սահմանադրական օրենքի 155-րդ հոդվածի 1-ին մասի համաձայն՝ Հայաստանի Հանրապետության Ազգային ժողովի պատգամավոր Դավիթ Սեդրակյանը հոկտեմբերի 22-ին հրաժարականի դիմում է ներկայացրել։

««Ազգային ժողովի կանոնակարգ» սահմանադրական օրենքի 155-րդ հոդվածի 2-րդ մասի համաձայն` եթե հրաժարականի հրապարակումից հետո՝ մեկ շաբաթվա ընթացքում, պատգամավորը գրավոր դիմումով հետ է վերցնում հրաժարականի մասին իր դիմումը, ապա Ազգային ժողովի նախագահն այդ մասին հանդես է գալիս հայտարարությամբ, եթե հետ չի վերցնում հրաժարականի մասին իր դիմումը, ապա նրա լիազորությունների դադարման մասին կազմվում է արձանագրություն, որը ստորագրում եւ հրապարակում է Ազգային ժողովի նախագահը: Արձանագրության հրապարակման պահից հրաժարականը համարվում է ընդունված», -ասված է ՀՀ ԱԺ նախագահի տեղակալ, ԱԺ նախագահի պարտականությունները կատարող Ռուբեն Ռուբինյանի ստորագրած հայտարարության մեջ:

Պատգամավորը ունի 7 օր ժամանակ դիմումը ետ վերցնելու համար:

Ավելի վաղ հայտնել էինք, որ Դավիթ Սեդրակյանն անձնական պատճառներով վայր է դնում պատգամավորական մանդատը։

2021 թ. հունիսի 20-ին տեղի ունեցած արտահերթ խորհրդարանական ընտրությունների արդյունքում «Հայաստան» դաշինքը ստացել է 29 պատգամավորական մանդատ:

Ըստ ցուցակի` Սեդրակյանից հետո Գորիսի քաղաքապետ Առուշ Առուշանյանն է, որը օրեր առաջ տեղի ունեցած ՏԻՄ ընտրություններում վերընտրվել է Գորիսի խոշորացված համայնքի ղեկավար:

Առուշանյանին ցուցակում հաջորդում է ՀՀ Ազգային հերոս Թաթուլ Կրպեյանի դուստր Ասպրամ Կրպեյանը, որը «Հայաստան» դաշինքի ցուցակում 33-րդն էր: