Դիմադրության պլատֆորմը պետք է ձեւավորել Հայաստանի թուրքացման ու Արցախի հայաթափման սպառնալիքների ամբողջական գնահատման հիման վրա․ ՏԵՍԱՆՅՈւԹ

Հայաստանում ու Հայաստանից դուրս լուրջ գործընթացներ են տեղի ունենում: Այդուհանդերձ, մեր պետական, պաշտոնական քննարկումների համար առանձնացված հարթակներում երկրորդական, երրորդական նշանակություն ունեցող հարցերի քննարկման ենք ականատես լինում: «Հայաստանին ու Արցախին սպառնացող վտանգներն ու դրանց հաղթահարման ուղիները» թեմայով կլոր սեղանի մասնակիցները հենց այս մտահոգությունից ելնելով են հավաքվել:

ՀՅԴ Բյուրոյի անդամ, ԱԺ «Հայաստան» խմբակցության պատգամավոր Արմեն Ռուստամյանը կարծում է, որ Հայաստանը մտել է մի հորձանուտի մեջ, որտեղից ինչպես դուրս կգա՝ կախված է լինելու մեր սերունդների ապագան: Ու ժողովուրդը, Ռուստամյանի համոզմամբ, չի կարող թմբիրի մեջ սպասել, մինչեւ ամեն ինչ իր թիկունքում ավարտին հասցվի, անցած լինեն անշրջելիության բոլոր հանգրվաններ:

Պատերազմից մեկ տարի անց իրավիճակին չի տրվել լիարժեք գնահատական: Սա էլ Ազգային ժողովի «Հայաստան» խմբակցության ղեկավար Սեյրան Օհանյանն է արձանագրում: Պաշտպանության նախկին նախարարը կարծում է, որ իրավիճակի ոչ ճիշտ դիագնոզն է անորոշություն բերում Հայաստանի ու Արցախի հեռանկարին:

Մանրամասնում է՝ Անահիտ Իվանյանը։