կարևոր
718 դիտում, 1 ամիս առաջ - 2021-10-22 10:36

Yerevan Open շախմատային միջազգային մրցաշարը մոտենում է ավարտին. հայտնի է թե ով է նոր առաջատարը

Yerevan Open շախմատային միջազգային մրցաշարը մոտենում է ավարտին. հայտնի է թե ով է նոր առաջատարը

Կարեն Դեմիրճյանի անվան մարզահամերգային համալիրում ընթացող Yerevan Open շախմատային միջազգային մրցաշարը մոտենում է ավարտին։

Այսօր կայացել են 7 տուրի պարտիաները։ Մրցաշարի միանձնյա առաջատար, ուկրաինացի Վիտալի Սիվուկը պարտվեց Աբհիմանյու Պուրանիկին և առաջին տեղը զիջեց հենց հնդիկ գրոսմայստերին, որն իր ակտիվում այժմ ունի 7 միավոր:

Առաջատարներին հետապնդող մեր շախմատիստ Արման Միքայելյանը հաղթեց իրանցի Արաշ Թահբազին, վաստակեց 6,5 միավոր և հավասարվեց ուկրաինացի գրոսմայստերին։ Նրանց հասավ նաև հնդիկ Ս․Լ․ Նարայանանը, որն այս տուրում պարտության մատնեց Դավիթ Շահինյանին։

Հենց այս չորս շախմատիստն էլ վերջին տուրում կվիճարկեն գլխավոր մրցանակը։

Հիշեցնենք, որ Yerevan Open-ի գլխավոր մրցաշարում մասնակցում են 10 երկրի 129 շախմատիստ-շախմատիստուհի։ Մրցաշարի ընդհանուր մրցանակային ֆոնդը կազմում է 11 միլիոն դրամ: