կարևոր
451 դիտում, 1 ամիս առաջ - 2021-10-21 22:52

Հետպատերազմյան Հայաստանում արտագաղթի ալիքը չի դադարում․ ՏԵՍԱՆՅՈՒԹ

Հետպատերազմյան Հայաստանում արտագաղթի ալիքը չի դադարում: Երկիրը այն իրավիճակում է, երբ անվտանգության հետ կապված անորոշությունը, թանկացումները, ապագայի նկատմամբ վստահության կորուստը բերել են արտագաղթի ցուցանիշների աճի: Ըստ պատահական հարցումների, կան մարդիկ, որոնք կմնան, երբ աշխատանքի խնդիր չլինի:

«Զվարթնոց» օդանավակայանի տրամադրած տվյալների համաձայն 2021 թվականի հունվարից սեպտեպտեմբեր ամիսներին՝ Զվարթնոց եւ Շիրակ օդանավակայններով ժամանել է 815,236 ուղեւոր, մեկնել՝ 889.739: Ընդհանուր ուղեվորահոսքը հասել է 1.704.975-ի:

Բնակչության շրջանում պարբերաբար իրականացվող հարցումներից հասկանում ենք միգրացիայի բացասական մնացորդը նվազման միտում ունի, այն շարունակվում է եւ հավանաբար դեռ տեւական ժամանակ կմնա բացասական տիրույթում: Միգրացիոն ծառայության հանրային կապերի պատասխանատու Նելլի Դավթյանը նշել է, որ 2021թ վերջնական տվյալները կտրամադրվեն տարին ամփոփելուց հետո:

Քաղաքացիները նաեւ կարեվորում են արտաքին քաղաքական հարցերը, որոնք անորոշ վիճակում են, իսկ կեղծ խաղաղությունը իրենց վախեցնում է: 

Թադեվոս Ավետիսյանը նշեց, որ մարդը ամեն հաջորդ օրվա գնաճի պատճառով ավելի վատ է ապրում քան նախորդ օրը:

Հայաստանի Հանրապետությունում ցանկացած դրական եւ բացասական բան իր ազդեցությունն է ունենում միգրացիոն ցուցանիշների վրա, բայց քանի որ երկիրը փոքր  է խնդիրները՝ մեծ, յուրաքանչյուր արտագաղթած ընտանիքի հետ առաջինը մեծանում է  անվտանգության  խնդիրը :

Մանրամասները՝ Անի Նահապետյանի տեսանյութում։