կարևոր
874 դիտում, 1 ամիս առաջ - 2021-10-21 19:39

Առողջապահության նախարարի հայտնի հրամանի մասով Սահմանադրական դատարանում քննության օր է նշանակվել նոյեմեբերի 25-ը

Առողջապահության նախարարի հայտնի հրամանի մասով Սահմանադրական դատարանում քննության օր է նշանակվել նոյեմեբերի 25-ը

Հիշեցնեմ, որ մեր կողմից անհապաղ արձագանք էր տրվել հանրության հիմնավոր և օբյեկտիվ բողոքին Առողջապահության նախարարի հայտնի հրամանի մասով, որով այն փաստացի վերածվել էր ՀԱՐԿԱԴԻՐ պատվաստման գործընթացի:Գրել է «Հայաստան» խմբակցության պատգամավոր Արամ Վարդևանյանը։

«Մեր կողմից ներկայացվել էր ՍԴ դիմում և միջնորդություն որպեսզի ակնհայտ հակասահմանադրական հրամանը կասեցվի: Սահմանադրական դատարանը վարույթ է ընդունել մեր դիմումը, որոշել է այն քննության առնել ԲԱՆԱՎՈՐ ընթացակարգով, քննության օր է նշանակվել բավականին սեղմ ժամկետով՝ այն է նոյեմեբերի 25-ը:

Կասեցման միջնորդությունը չնայած դրա հստակ հիմնավորվածությանը, բավարար կողմ ձայներ ՍԴ-ում չի հավաքել: Մեկ անգամ ևս ուզում եմ կարծիքս ասեմ. Ես կողմ եմ պատվաստմանը, դեմ եմ հարկադրանքին:

Դեմ եմ որպեսզի կառավարությունը իր պարտականությունը հետազոտման ծախսերի փոխհատուցման թողնի ժողովրդի վրա, սպառնալիքով խոսի ժողովրդի հետ, պարզ ու անկեղծ կոմունիկացնելու փոխարեն:

Փաստ է, որ այսօրվա համաշխարհային առողջապահական համակարգը, կորոնավիրուսային համավարակի ու այս չարիքի դեմ, ավելի լավ լուծում քան պատվաստումն է՝ չունի, սակայն հարկադրանքի, հավելյալ ծախսեր ստեղծելու, կամ սպառնալաիքի պայմանները ևս անընդունելի են:

Կառավարությունը, գործատուները և աշխատողները պետք է գիտակցեն, որ այլևս այս հարցը ՎԵՃ Է Սահմանադրական դատարանում»: