կարևոր
430 դիտում, 1 ամիս առաջ - 2021-10-21 11:58

ՀՀ քաղաքական դաշտն ի՞նչ դիրքորոշում ունի արցախյան խնդրում, ճանաչումը ե՞րբ կլինի օրակարգում. Մերի Դավթյան

ՀՀ քաղաքական դաշտն ի՞նչ դիրքորոշում ունի արցախյան խնդրում, ճանաչումը ե՞րբ կլինի օրակարգում. Մերի Դավթյան

Արցախի Հանրապետությունում տրամադրությունը միշտ պայմանավորված է լինում Հայաստանի Հանրապետությունում տեղի ունեցող իրադարձություններով, և մենք մինչ հունիսյան ընտրությունները ակնկալում էինք այլ գործելաոճ, հիմա՝ այլ: Այս մասին Արցախից տեղահանված անձանց հարցով քննարկմանը ասաց «Հադրութի դեօկուպացիա» հասարակական կազմակերպություն համահիմնադիր Մերի Դավթյանը:

«Մենք նվազագույնը մտածում էինք, որ խորհրդարանում Արցախի հարցերով հանձնաժողովը կձևավորվեր, ինչ չհաջողվեց: Մեզ այս պահին այնքան էլ չի բավարարում այն վիճակը որը կա: Ցանկանում ենք, որ գոնե սոցիալական հարցերում որոշակիություն մտցվի»,-ասաց Դավթյանը:

«Հադրութի դեօկուպացիա» հասարակական կազմակերպություն համահիմնադիրը կարծում է, որ այս ամենում կարևոր է նաև քաղաքական կայունությունը, որպեսզի հասկանան հայկական երկու հանրապետություններում ինչ օրակարգ կա:

«Անվտանգությունը թիվ մեկ խնդիրն է, բայց ինչպես արձանագրվում է փաստերով, անգամ խաղաղապահների ներկայությամբ, արձանագրվում են սադրանքներ, մահեր, որոնք անհանգստացնող են: Մենք ուզում ենք հասկանալ՝ ՀՀ քաղաքական դաշտն ի՞նչ դիրքորոշում ունի արցախյան խնդրում, ճանաչումը ե՞րբ կլինի օրակարգում:

Այս պահին Մինսկի խմբի ձևաչափը վերականգնվում է և բանակցային գործընթաց սկսելու տրամադրվածություն կա, բայց պետք է հասկանալ, որ Ադրբեջանը հիմա համաձայնվել է, ուրեմն շահադիտական նպատակներ ունի: Նրանք պատրաստվում ենք սեղանին դնել արդբեջանական համայնք հասկացությունը, այսինքն բանակցությանը պետք է մասնակցեն Արցախի ադրբեջանական և հայկական համայնքները»,-եզրափակեց Դավթյանը: