ՀՅԴ Շիրակի Մարզային կոմիտեն գրքեր և գրենական պիտույքներ է նվիրել Շիրակի մարզի Աղվորիկ գյուղին։ Այս մասին հայտնել է Մարզային կոմիտեի ներկայացուցիչ Մհեր Մելքոնյանը։
«Այսօր ՀՅԴ Շիրակի մարզային կառույցի ընկերներով այցելել էինք Աղվորիկ գյուղ։
Գյուղի դպրոցի գրադարանին մեր կողմից նվիրեցինք գրքեր, իսկ առաջին և երկրորդ դասարանցիներին` դպրոցական պարագաներ և գրենական պիտույքներ։ Իմ խորին շնորհակալությունն եմ հայտնում բոլորին, ովքեր իրենց ներդրումն ունեցան ՀՅԴ «Շիրակ» Մարզային կոմիտեի այս նախաձեռնությանը»,- նշել է նա: