կարևոր
922 դիտում, 1 ամիս առաջ - 2021-10-15 18:35

Դավիթ Տոնոյանը կմնա կալանավորված․ Վերաքննիչ դատարանը մերժել է բողոքը

Դավիթ Տոնոյանը կմնա կալանավորված․ Վերաքննիչ դատարանը մերժել է բողոքը

ՀՀ պաշտպանության նախկին նախարար Դավիթ Տոնոյանը ազատ չի արձակվի։ Վերաքննիչ դատարանը, դատավոր Տիգրան Սահակյանի նախագահությամբ, քիչ առաջ մերժեց պաշտպանական կողմի բողոքը։

«Դատարանը մերժեց մեր բողոքը և առաջին ատյանի դատարանի որոշումը թողնվեց օրինական ուժի մեջ։  Պատրաստվում ենք որոշումը ստանալուց հետո բողոքարկել»,-նշել է Տոնոյանի փաստաբան Սերգեյ Հովհաննիսյանը։

Նշենք, որ Դավիթ Տոնոյանն անցնում է ռազմամթերքի մատակարարման չարաշահմանն առնչվող քրեական գործով: Նա մեղադրվում է առանձնապես խոշոր չափերով՝ 2,277,323,840 ՀՀ դրամ գումար հափշտակելու համար: Նա անազատության մեջ է սեպտեմբերի 30-ից։