կարևոր
385 դիտում, 1 օր առաջ - 2021-10-14 13:37

Կոչ ենք անում երկու կողմին հնարավորինս շուտ վերացնել հումանիտար դաշտում առկա փոխադարձ խնդրահարույց հարցերը, փոխանակել գերիներին. Զախարովա

Կոչ ենք անում երկու կողմին հնարավորինս շուտ վերացնել հումանիտար դաշտում առկա փոխադարձ խնդրահարույց հարցերը, փոխանակել գերիներին. Զախարովա

ՌԴ ԱԳՆ պաշտոնական ներկայացուցիչ Մարիա Զախարովան ամենշաբաթյա ճենպազրույցի ժամանակ անդրադարձել է օրերս կայացած Փաշինյան-Պուտին հանդիպմանը։ ԱԳ ներկայացուցիչը հայտնել է, որ հանդիպման մասին մեկնաբանություն կարող է տալ նախագահի աշխատակազմը, սակայն անդրադարձել է Երևան-Բաքու հարաբերությունների կարգավորմանը։

Զախարովան հայտնել է, որ Ռուսաստանը հետևողականորեն հանդես է գալիս Ռուսաստանի, Հայաստանի ու Ադրբեջանի ղեկավարների կողմից ձեռք բերված եռակողմ պայմանավորվածությունների դրույթների անվերապահ պահպանման օգտին։

«Մենք հույս ունենք, որ դրանով անհրաժեշտ պայմաններ կստեղծվեն Երևան-Բաքու հարաբերությունների կարգավորման համար, այդ թվում նաև երկկողմ բարդ հարցերի մասով»,-ասել է Զախարովան:

Նա նաև անդրադարձել է Մարտակերտի շրջանի Մատաղիս գյուղում օրեր առաջ ադրբեջանցի դիպուկահարի կողմից խաղաղ բնակչի սպանության դեպքին:

«Ռուսական խաղաղապահ զորակազմի հրամանատարությունը համապատասխան քննություն է վարում՝ երկու կողմի ներկայացուցիչների ներգրավմամբ: Իրենց պատասխանատվության գոտում միջադեպերի կանխմանն ուղղված ջանքերի համակարգման համար ռուս խաղաղապահները անդադար գործունեություն են ծավալում Հայաստանի և Ադրբեջանի Զինված ուժերի գլխավոր շտաբերի հետ:

Կոչ ենք անում երկու կողմին հնարավորինս շուտ վերացնել հումանիտար դաշտում առկա փոխադարձ խնդրահարույց հարցերը, փոխանակել գերիներին՝ «բոլորը՝ բոլորի դիմաց» ձևաչափով և ականապատման քարտեզները»,- ասել է Զախարովան: