կարևոր
268 դիտում, 2 շաբաթ առաջ - 2021-10-13 14:42

Իրանի եւ Ադրբեջանի արտգործնախարարները հեռախոսով քննարկել են երկկողմ հարաբերությունները

Իրանի եւ Ադրբեջանի արտգործնախարարները հեռախոսով քննարկել են երկկողմ հարաբերությունները

Իրանի եւ Ադրբեջանի արտգործնախարարները հեռախոսով քննարկել են երկկողմ հարաբերությունները: Հոսեյն Ամիր Աբդոլլահիանը ադրբեջանցի գործընկեր Ջեյհուն Բայրամովին ասել է, որ չպետք է թշնամիներին հնարավորություն տան՝ խաթարելու Թեհրանի եւ Բաքվի միջեւ բարեկամական կապերը, իսկ խնդիրները պետք է լուծեն երկխոսության ու համագործակցության ճանապարհով:

Իրանի արտգործնախարարը շեշտել է նաեւ՝ Թեհրանն ակնկալում է, որ իրանական բեռնատարների տարանցիկ երթեւեկության խնդիրները կլուծվեն:

Բայրամովն էլ առաջարկել է, որ խնդրով զբաղվեն 2 երկրի մաքսային ծառայողները:

Մինչ այս հեռախոսազրուցը նախօրեին Իրանի արտգործնախարարության խոսնակը հայտարարել էր, որ Թեհրանն ունի փաստաթղթեր, որոնք հաստատում են անցած տարի՝ պատերազմի ժամանակ, ահաբեկչական խմբավորումները տեղափոխվել են Ադրբեջան:

«Իրանը նույնիսկ ձեռք է բերել նրանց խոսակցությունները»,- ասել է Սաիդ Խաթիբզադեն՝ նշելով, որ Իրանն ադրբեջանական կողմին ասել է՝ դա անընդունելի է, եւ ստացել է խոստում, որ Ադրբեջանն ամենաբարձր մակարդակով կփարատի Թեհրանի մտահոգությունները: