ուղիղ եթեր փակել
Այս պահին Երևանում
+28°
ощущаетվя как +27°C
բաց երկինք
3 մ/վ քամու ուժգնություն
արևածագ: 06:14
15.08.2022
USD 406.19 +0.28
GBP 490.96 -1.29
EUR 414.31 -3.25
GEL 144.29 -3.31
RUB 6.6 -0.06

Վերջին ավելացված հաղորդումներ

Ամենադիտվածներ

կարևոր
1132 դիտում, 10 ամիս առաջ - 2021-10-13 14:01

Վերջին 10 ամսվա ընթացքում իրենց ցանկությամբ Արցախի Հանրապետություն է տեղափոխվել 150 ընտանիք

Վերջին 10 ամսվա ընթացքում իրենց ցանկությամբ Արցախի Հանրապետություն է տեղափոխվել 150 ընտանիք

Այս պահին ՀՀ-ում է գտնվում Արցախից բռնագաղթած 5294 ընտանիք՝ 20433 քաղաքացի, որից 618-ը անչափահաս են: Այս մասին «Տեղահանված ու բռնագրավված Հադրութ. մեկ տարի անց. հիմնահարցեր և մարտահրավերներ» խորագրով հանրային քննարկման ժամանակ հայտնեց Հայաստանի Հանրապետությունում ԱՀ Օպերատիվ շտաբի պետ Միքայել Վիրաբյանը:

Օպերատիվ շտաբի ձևավորման օրվանից հետո խնդիրները շատ են եղել, որոնց մի մասը ստացել է համապատասխան պետական կանոնակարգված մոտեցումներ և լուծվել ԱՀ-ի, ՀՀ-ի կառավարությունների ընդունած 20-ից ավելի որոշման շրջանակում: Կատարված միջոցառումների արդյունքում կանխվել է սոցիալական աղետ հասկացությունը, բայց և խնդիրներն էլ ավելի շատ են ու խորը»,-նշեց Վիրաբյանը:

Միքայել Վիրաբյանի խոսքով՝ Օպերատիվ շտաբը գտնվում է տարբեր հասցեներում և առաջիկայում տեղակայվելու է մեկ վայրում՝ Աբովյան 9-ը հասցեում միավորելով սոցիալական և իրավական ծառայությունների գրասենյակները:

«Օպերատիվ շտաբը աշխատում է ՀՀ պետական տարբեր կառույցների հետ, որի ժամանակ խնդիրներ են առաջանում: Ես հիմնականում այդ թերացումները վերագրում եմ պետական ցածր օղակներում աշխատակիցների կողմից վերևից ստացած հրահանգները ոչ լրիվությամբ տիրապետելու հետ»,-ասաց Վիրաբյանը: 

Օպերատիվ շտաբի ղեկավարի խոսքով՝ խնդիրներ են եղել դպրոցահասակ և նախադպրոցական տարիքի երեխաների՝ համապատասխան կրթական հաստատություններում տեղավորման հարցում, որոնք լուծվում են:

«Բռնագաղթածների առողջապահական խնդիրների լուծման հարցեր են սկսել առաջանալ սեպտեմբերի վերջից՝ կապված վիրահատությունների հետ, բայց ՀՀ և ԱՀ առողջապահության նախարարությունների հետ աշխատանքի արդյունքում, Օպերատիվ շտաբի միջնորդությամբ, բավարարվել է մեկ տասնյակից ավելի այն վիրահատությունների դիմումները, որոնք անհետաձգելի են»,-հայտնեց բանախոսը:

Միքայել Վիրաբյանը նշել է, որ վերջին 10 ամսվա ընթացքում իրենց ցանկությամբ Արցախի Հանրապետություն է տեղափոխվել 150 ընտանիք՝ 714 անձ, որոնք ապահովվել են բնակարաններով:

Միքայել Վիրաբյանը տեղահանված արցախցիներին առնչվող երկու ամենակարևոր խնդիրներն է առանձնացրել՝ բնակարանային ապահովվածություն, սոցիալական երաշխիքներ։

«Արցախի կառավարությունը հուլիսի սկզբին կայացրեց որոշում, որով պարտավորվեց 3 տարվա ընթացքում Արցախի Հանրապետության տարածքում տեղահանվածներին կոնկրետ բնակավայրերում ապահովել բնակարաններով։ Մինչև ծրագիրն իրականություն դառնա, հատկապես ՀՀ-ում բնակվող տեղահանված արցախցիները պետք է ապահովվեն որոշակի միջինացված գումարով, որպեսզի կարողանան գոյատևել։ Այս պահին ՀՀ կառավարության կողմից, կարծեմ, արդեն ստորագրված որոշում կա՝ 50 և 25 000-ական դրամների մասով։ Բայց դա, որքանով հասկանում եմ, մինչև դեկտեմբեր է, իսկ մենք հակված ենք, որ ծրագիրը թարմացվի և հունվարի 1-ից հետո լինի շարունակական։ Սա մեր ժողովրդի միասնական կարծիքն է։ Այդ խնդիրը պետք է լուծվի, որ մարդիկ կարողանան գոյատևել, մինչև վերադառնան իրենց բնակարանները», - ասաց Միքայել Վիրաբյանը։

բաժանորդագրվել
Նմանատիպ նյութեր

Լրահոս

բոլոր լուրերը

կայքի հին տարբերակը
Հրապարակումների արխիվ - կայքի նախկին տարբերակը

Հավելվածներ

Հետադարձ կապ

© 2022 YERKIRMEDIA.am Բոլոր իրավունքները պաշտպանված են։

Հեղինակային բոլոր իրավունքները պաշտպանված են: Կայքի նյութերը և լուսանկարները, մասնակի կամ ամբողջական օգտագործելիս, պարտադիր է YerkirMedia.am-ի գրավոր համաձայնությունը և YerkirMedia.am-ին հղումը (hyperlink): Կայքի նյութերի մասնակի կամ ամբողջական հեռուստառադիոընթերցումը, առանց YerkirMedia.am-ի գրավոր համաձայնության, արգելվում է: Կայքում հրապարակված նյութերը պարտադիր չէ, որ արտահայտեն YerkirMedia.am-ի խմբագրության տեսակետը: Գովազդների բովանդակության համար կայքը պատասխանատվություն չի կրում:
կայքի ստեղծումը և սպասարկումը՝
MAXARTS