կարևոր
397 դիտում, 1 շաբաթ առաջ - 2021-10-11 21:28

Բաքվի հայտարարությունները համոզիչ չեն Թեհրանի համար․ ՏԵՍԱՆՅՈւԹ

Հարավային Կովկասում տիրող իրավիճակի շուրջ Իրանի մտահոգությունները դեռ չեն փարատվել: Ադրբեջանում Իսրայելի ռազմական ներկայությունը բացառող Բաքվի հայտարարությունները համոզիչ չեն Թեհրանի համար, ուստի այդ երկիրը հնարավոր բոլոր միջոցներով արտահայտում է իր դժգոհությունը:

Թեհրանում անցկացված ճեպազրույցի ժամանակ եւս Իրանի արտգործախարարության խոսնակը հայտարարել է, որ Իսլամական Հանրապետությունը շատ լուրջ է վերաբերում իր ազգային անվտանգությանն ու այս հարցում զիջումների չի գնա: Սաիդ Խաթիբզադեն նաեւ ասել է՝ Իրանն ու Ադրբեջանը չպետք է թույլ տան, որ երրորդ երկրներն ազդեն իրենց հարաբերությունների վրա:

«Ռոսիա 24»-ին տված հարցազրույցում Իրանի արտգործնախարարը նույնպես դժգոհել է, որ որոշ արտաքին ուժեր փորձում են իրենց ազդեցությունն ունենալ տարածաշրջանում՝ նպատակ ունենալով, նրա խոսքով, փոխելու սահմանները, փակելու կամ տեղափոխելու սահմանային անցակետերը:

Մանրամասները՝ Անահիտ Իվանյանի տեսանյութում։