կարևոր
424 դիտում, 1 շաբաթ առաջ - 2021-10-11 14:04

Աղջիկ երեխաների համար պետք է ստեղծենք հավասար պայմաններ, հնարավորություն տանք, որ մասնակցեն իրենց վերաբերող որոշումների կայացմանը. ՀՀ ՄԻՊ

Աղջիկ երեխաների համար պետք է ստեղծենք հավասար պայմաններ, հնարավորություն տանք, որ մասնակցեն իրենց վերաբերող որոշումների կայացմանը. ՀՀ ՄԻՊ

Աղջիկների միջազգային օրվա առիթով ՀՀ Մարդու իրավունքների պաշտպան Արման Թաթոյանը գրել է.

«Աղջիկ երեխաները մեր կյանքը լցնում են վառ գույներով ու երջանկությամբ, տալիս են կյանքի դժվարությունները հաղթահարելու անսպառ մոտիվացիա։

Չպետք է թույլ տանք, որ մեր աղջիկ երեխաները դառնան մեր թվացյալ վախերի զոհը, որ մեր կարծրատիպերի պատճառով ձախողվի նրանց կյանքի ճանապարհը:

Սա աղջիկ երեխաների այս միջազգային օրվա սկզբունքային նշանավորում է:

Պետք է նրանց համար տեղծենք անհավասար պայմաններ, հնարավորություն տանք աղջիկ երեխաներին մասնակցել իրենց վերաբերող որոշումների կայացմանը:

Սեռով պայմանավորված հղիության ընդհատումները, կրթությունից դուրս մնալը, բռնության ենթարկվելու արատավոր երևույթները պետք է ամբողջությամբ դուրս մղվեն մեր հասարակությունից։

Պետք է գիտակցենք, որ մեզանից յուրաքանչյուրն ունի իր բաժին պատասխանատվությունը այս բոլոր հարցերում»։