կարևոր
766 դիտում, 1 շաբաթ առաջ - 2021-10-10 20:53

Ավտովթար Երևանում․ ավտոմեքենան բախվել է ճաղավանդակներին և կիսակողաշրջվել՝ հայտնվելով Հրազդան գետի ափին

Ավտովթար Երևանում․ ավտոմեքենան բախվել է ճաղավանդակներին և կիսակողաշրջվել՝ հայտնվելով Հրազդան գետի ափին

Այսօր՝ հոկտեմբերի 10-ին, խոշոր ավտովթար է տեղի ունեցել Երևանում։ Այս մասին հայտնում է shamshyan.com-ը:

Ժամը 16։30-ի սահմաններւմ Hyundai Santa Fe մակնիշի ավտոմեքենան Հրազդանի կիրճում «Ֆլորենսիա» ռեստորանային համալիրի մոտ, դեռևս անհայտ հանգամանքներում, դուրս է եկել ճանապարհի երթևեկելի գոտուց, բախվել քարերին, այնուհետև՝ առաջ ընթանալով, բախվել Հրազդան գետի վրա կառուցված երկաթե ճաղավանդակներով պատվանդանին։ Վթարի հետևանքով վարորդը օպերատիվորեն ժամանած Երևանի 1-03 շտապօգնության բժիշկների կողմից նախ տեղում առաջին բուժօգնությունն է ստացել, ապա տեղափոխվել «Արմենիա» բժշկական կենտրոն։ 

Օպերատիվորեն ժամանել են Արտակարգ իրավիճակների նախարարության Փրկարար ծառայության Երևանի հրշեջ-փրկարարական ջոկատից 2 մարտական հաշվարկ։

Օպերատիվորեն ժամանել են նաև ՀՀ ոստիկանության Պարեկային ծառայության Երևանի գնդի 4-գումարտակի 3-րդ վաշտի պարեկները:


Փաստի առթիվ նյութեր են նախապատրաստվում։ 

Ոստիկանությունը պարզում է հիվանդանոց տեղափոխված վարորդի ինքնությունը։