կարևոր
595 դիտում, 2 շաբաթ առաջ - 2021-10-10 18:21

Արմավիրի մարզում տեղի է ունեցել ավտովթար, ինչի հետևանքով մեքենան կոտրել է գազախողովակները, տապալել պատն ու հայտնվել բնակչի ավտոտնակում

Արմավիրի մարզում տեղի է ունեցել ավտովթար, ինչի հետևանքով մեքենան կոտրել է գազախողովակները, տապալել պատն ու հայտնվել բնակչի ավտոտնակում

Երեկ՝ հոկտեմբերի 9-ին, կասկադյորական ավտովթար է տեղի ունեցել Արմավիրի մարզում: Այս մասին հայտնում է shamshyan.com-ը:

Ժամը 23:20-ի սահմաններում Երևանի բնակիչ, 51-ամյա Գևորգ Հովհաննիսյանը իր վարած Mercedes մակնիշի ավտոմեքենայով Սպանդարյան փողոցում «Ծիրան» սուպերմարկետի հարևանությամբ, դուրս է եկել ճանապարհի երթևեկելի գոտուց, բախվել թիվ 46 տան ավտոտնակի պատին, մինչ այդ կոտրելով գազատար խողովակներն ու  հայտնվել բնակչի տան տարածքում: Վթարի հետևանքով Գ. Հովհաննիսյանը մարմնական վնասվածքներով տեղափոխվել է «Էջմիածին» բժշկական կենտրոն: Նրան հիվանդանոց  են ուղեկցել փրկարարներն ու ճանապարհային ոստիկանության  2-րդ սպայական գումարտակի 1-ին վատի 1-ին դասակի ծառայողները՝ իրենց ծառայողական ավտոմեքենայով:

Դեպքի վայր են ժամանել Արտակարգ իրավիճակների նախարարության փրկարար ծառայության Էջմիածնի հրշեջ-փրկարարական ջոկատից  1 մարտական հաշվարկ:

Վթարի հետևանքով բնակչին պատճառվել է խոշոր չափի նյութական վնաս, ավտոմեքենան էլ դարձել է ոչ շահագործելի: