կարևոր
475 դիտում, 2 շաբաթ առաջ - 2021-10-08 15:31

«Խաղաղության» նոբելյան մրցանակը շնորհվել է «Новая газета» թերթի գլխավոր խմբագրին և ամերիկացի լրագրողին

«Խաղաղության» նոբելյան մրցանակը շնորհվել է «Новая газета» թերթի գլխավոր խմբագրին և ամերիկացի լրագրողին

«Խաղաղության» Նոբելյան մրցանակը 2021 թվականի համար շնորհվել է «Новая газета» թերթի գլխավոր խմբագիր Դմիտրի Մուրատովին և ֆիլիպինյան ծագմամբ ամերիկացի լրագրող Մարիա Ռեսային:

Ինչպես ասվում է մրցանակի թվիթերյան հաղորդագրության մեջ, նրանց առանձնացրել են «կարծիքի արտահայտման ազատության պաշտպանությանն ուղղված իրենց ջանքերի համար, որը ժողովրդավարության և ամուր խաղաղության նախադրյալն է»:

Նոբելյան շաբաթը մեկնարկել է հոկտեմբերի 4-ին: Ավելի վաղ արդեն հայտարարվել են ֆիզիոլոգիայի և բժշկության, ֆիզիկայի, քիմիայի և գրականության նոբելյան մրցանակակիրները:

Հոկտեմբերի 11-ին հայտնի կդառնա վերջին դափնեկիրը՝ տնտեսության գծով:

Դափնեկիրները ստանում են վկայագիր, ոսկե մեդալ և դրամական պարգև: Այս տարի այն կազմում է 10 000 շվեդական կրոն (1.2 մլն դոլար):