կարևոր
499 դիտում, 1 շաբաթ առաջ - 2021-10-08 12:55

Այս իշխանությունները ջանք չեն խնայել, որպեսզի Առուշ Առուշանյանը հնարավորություն չունենա ֆիզիկապես ներկա գտնվել ՏԻՄ ընտրություններին. Աննա Գրիգորյան

Այս իշխանությունները ջանք չեն խնայել, որպեսզի Առուշ Առուշանյանը հնարավորություն չունենա ֆիզիկապես ներկա գտնվել ՏԻՄ ընտրություններին. Աննա Գրիգորյան

Այս իշխանությունները ջանք չեն խնայել, որպեսզի Առուշ Առուշանյանը հնարավորություն չունենա ֆիզիկապես ներկա գտնվել հոկտեմբերի 17-ի ՏԻՄ ընտրություններին: Այս մասին խորհրդարանական ճեպազրույցի ժամանակ ասաց «Հայաստան» խմբակցության պատգամավոր Աննա Գրիգորյանը:

Նրա խոսքով Առուշ Առուշանյանի նկատմամբ քաղաքական հետապնդում է իրականացվում, ինչն էլ քարոզարշավի ընթացքում նոր երանգ է ստացել.

«Իշխանությունը ոչ թե քարոզչություն է իրականացնում, այլ՝ հակաքարոզչություն՝ փորձելով արատավորել Առուշանյանի բարի համբավը և վարկը: Հասել ենք նույնիսկ նրան, որ ՔՊ-ական պատգամավոր Արմեն Խաչատրյանը փորձում է հարցականի տակ դնել Առուշանյանի՝ մարտական գործողություններին մասնակցելու փաստը: Պարոն Խաչատրյանը և իր գործընկերները, որոնք պատերազմի ժամանակ ԱԺ-ից գումար էին վերցնում, որ հասնեն Սյունիք կամ Արցախ, հարցականի տակ են դնում Առուշանյանի մարտական գործողություններին մասնակցելը»,-ասաց Աննա Գրիգորյանը:

Վերջերս կառավարության որոշմամբ 1 մլրդ դրամ տրամադրվեց՝ Սյունիքում աշխատանքներ իրականացնելու համար: Պատգամավորը ողջունեց առաջարկը, միևնույն ժամանակ նկատեց, որ դա արվում է հենց ընտրություններից առաջ:

«Եթե պարոն Առուշանյանի և նրա տեղակալների նկատմամբ քաղաքական հետապնդում է իրականացվում, որովհետև վերջիններս ֆինանսական աջակցություն են ցուցաբերել, ապա այս պահին ակնհայտ է, որ 1մլրդ ուղղում են հենց քարոզարշավի ընթացքում և ընտրություններից առաջ: Եթե Առուշանյանը ֆինանսական աջակցություն էր ցույց տալիս ընտրություններից առաջ և դա որակում եք կաշառք , բա սա ի՞նչ եք որակում»,-ասաց Աննա Գրիգորյանը և հավելեց.

«Շատ վտանգավոր մի թեզ էլ է շրջանառվում, որ եթե Առուշ Առուշանյանին ընտրեն, միևնույն է, դուրս չի գալու, մնալու է կալանքի տակ: Իրենք սկսել են որոշել՝ ով պետք է մնա կալանքի տակ, ով պետք է դատապարտվի: Սա անընդունելի է»,-ասաց պատգամավորը: