կարևոր
793 դիտում, 2 շաբաթ առաջ - 2021-10-07 16:01

Եթե մարդուն բերման եք ենթարկում հարցազրույց տալու համար, ես հիմա հարցազրույց եմ տալիս. Քրիստինե Վարդանյան

Եթե մարդուն բերման եք ենթարկում հարցազրույց տալու համար, ես հիմա հարցազրույց եմ տալիս. Քրիստինե Վարդանյան

Ես այստեղ էի եկել միայն նրա համար, որովհետեւ ոստիկանությունը զգուշացրել էր, որ բարձրախոս օգտագործելու համար բերման են ենթարկելու ակցիայի մասնակիցներին: Այս մասին կառավարության շենքի դիմաց ՀՅԴ երիտասարդների բողոքի ակցիայի ժամանակ լրագրողների հետ զրույցում նշեց ԱԺ «Հայաստան» խմբակցության պատգամավոր, ՀՅԴ անդամ Քրիստինե Վարդանյանը:

«Ինքներդ գիտեք, որ նման կարգավորում չկա: Եկել էի հույս ունենալով, որ այստեղ մարդկանց ներկայությունը կստիպի ոստիկանությանը զերծ մնալ անօրինական գործողություններ իրականացնելուց: Արդեն մի քանի հոգու բերման են ենթարկել: Մեկին բարձրախոս ունենալու համար, մյուսին հենց այնպես լրագրողներին հարցազրույց տալու համար: Հիմա իմ ձեռքին բարձրախոս չկա, բայց եթե Հայաստանում մարդկանց բերման են ենթարկում բարձրախոսով խոսելու համար, ոստիկանությունը պետք է համարի, որ ես հիմա այդպես եմ խոսում: Եթե իմ ընկերներին բերման են ենթարկում հողատու եւ դավաճան ասելու համար, ես կրկնում եմ այդ բառերը:

Եթե մարդուն բերման եք ենթարկում հարցազրույց տալու համար, ես հիմա հարցազրույց եմ տալիս: Ո՞նց եք որոշում՝ ում եք բերման ենթարկում: Ինչո՞ւ ինձ բերման չեք ենթարկում: Ձեզ զանգում են, ասում են՝ էս մարդուն բերման ենթարկե՞ք:

Ինչի՞ց էինք մենք ուզում ազատվել, երբ համատարած փողոցներ էինք փակում: Եվ կարողացա՞նք ազատվել, թե՞ ավելի վատ վիճակում հայտնվեցինք: Դուք երբեւէ տեսե՞լ եք, որ մարդում ռուպռով խոսելու համար  բերման ենթարկեն»,-ասաց նա:

Նա նշեց, որ Հայաստանում կա վարվող քաղաքականության դիմադրություն եւ այդ դիմադրության սերմերը պետք է փայփայել, մեծացնել եւ ցույց տալ, որ այս քաղաքականությունը Հայաստանում չի հաջողելու:

Նշենք, որ ոստիկանները բերման ենթարկեցին ակցիայի մասնակիցներին: