կարևոր
1264 դիտում, 1 շաբաթ առաջ - 2021-10-07 15:35

Ոստիկանները բերման ենթարկեցին ակցիայի մասնակիցներին

Ոստիկանները բերման ենթարկեցին ակցիայի մասնակիցներին

ՀՅԴ Նիկոլ Աղբալյան ուսանողական միության անդամները ակցիա են իրականացնում կառավարության շենքի առջև:

«Մենք կառավարության գլխավոր մասնաշենքի առջև ենք` հերթական անգամ ի ցույց դնելու ՀՀ վարչապետի խոսքի, գործի և իրականության անհամապատասխանությունը»,-նշել են ակցիայի մասնակիցները:

Նրանց ձեռքին կան պաստառներ, որոնց վրա գրված են . «30 տարին ավերվեց գրչովդ». «Ուշքի արի, Շուշին դժգույն եւ դժբախտ չէր», «Նիկոլ. ազգային անվտանգության թիվ մեկ թշնամի» եւ այլն:

Ակցիայի մասնակիցներից մեկը բարձրախոսով նշեց, որ իրենց բողոքն ուղղված է Նիկոլ Փաշինյանի կողմից Լիտվայում հայ համայնքի հետ հանդիպման ժամանակ հնչեցրած հայտարարությանը, թե վերջին 30 տարում Շուշիում ոչինչ չի կառուցվել:

Այդ ընթացքում բարձրախոսով տղային մոտեցան ոստիկանության աշխատակիցները եւ բերման ենթարկեցին նրան՝ ասելով, որ խաթարում է հասարակական կարգը:

Հատկանշական է, որ կարմիրբերետավորները հենց լրագրողներին հարցազրույց տալու պահին բերման ենթարկեցին ՀՅԴ-ական երիտասարդին՝ թույլ չտալով ավարտել խոսքը: