ուղիղ եթեր փակել
Այս պահին Երևանում
+28°
ощущаетվя как +22°C
բաց երկինք
10 մ/վ քամու ուժգնություն
արևածագ: 06:12
12.08.2022
USD 405.91 -0.18
GBP 492.25 -3.42
EUR 417.56 -2.22
GEL 147.6 -2.87
RUB 6.66 -0.04

Վերջին ավելացված հաղորդումներ

Ամենադիտվածներ

կարևոր
1048 դիտում, 10 ամիս առաջ - 2021-10-07 13:08

ՀՅԴ Երևանի Քաղաքային կոմիտեն պարտադիր թեստավորման խնդրի հետ կապված առաջարկներ է բերել կառավարություն

ՀՅԴ Երևանի Քաղաքային կոմիտեն պարտադիր թեստավորման խնդրի հետ կապված առաջարկներ է բերել կառավարություն

ՀՅԴ Երևանի Քաղաքային կոմիտեն ակցիա է իրականացնում կառավարության շենքի դիմաց:

Նրանք պարտադիր թեստավորման խնդրի լուծման հետ կապված առաջարկներ են բերել կառավարություն։ ՀՅԴ Երևանի Քաղաքային կոմիտեի ներկայացուցիչ Սարգիս Կարապետյանի խոսքով՝ կառավարությունը համաձայնել է ընդունել իրենց և լսել առաջարկը:

«Անցած շաբաթ ՀՅԴ Երևանի Քաղաքային կոմիտեն պահանջ էր ներկայացրել կապված պարտադիր թեստավորման հետ, մենք պնդում էինք, որ թեստավորման գումարը պետք է փոխհատուցի պետությունը։ Մեկ շաբաթ արձագանք չստանալով՝ որոշեցինք կրկին գալ այստեղ։ Մենք հստակ առաջարկ ունենք, որը խրախուսելու է թե՛ գործատուին, թե՛ աշխատողին, թե՛ պետությանը, և այս հարցն ամբողջովին կլուծվի։ Առաջարկով եկել ենք, մեզ կառավարությունից ասացին, որ պատրաստ են ընդունել, հիմա կմտնենք կառավարություն, մեր առաջարկը կանենք, հետո հանրությանը կներակայցնենք՝ ընդունվեց մեր առաջարկը,  թե ոչ»,-ասաց Կարապետյանը։

«Գործատուն պիտի վճարի աշխատողին 14 օրը մեկ ՊՇՌ թեստի գումարը։ Պետությունը գործատուին փոխանցում է եկամտահարկի տեսքով։ Ստացվում է, որ գործատուն չի խուսափի աշխատողներին գրանցելուց, պետությունը շահում է այդ պարագայում, որովհետեւ չգրանցված աշխատողներ չեն լինում, ստվերը գալիս է գրանցման դաշտ, իսկ աշխատողն էլ շահում է, որ իր գրպանից ամսական երկու անգամ չի վճարում թեստավորման վճարը»,-ասաց Սարգիս Կարապետյանը։

ՀՅԴ Երևանի Քաղաքային կոմիտեի անդամներին կառավարությունում ասել են, որ երբ առաջարկի փաթեթը ներկայացնեն՝ մեկ ամիս ժամկետում պետք է քննվի։ Բայց նրանց հուսադրել է այն հանգամանքը, որ առաջարկը հավանության է արժանացել վարչապետի վերլուծաբանների կողմից և նրանք խոստացել են առաջարկը շատ արագ փոխանցել տարբեր նախարարություններ՝ կարծիքի համար։

«Հիմա եթե առաջարկը պետության կողմից ընդունվի՝ կնշանակի, որ պետությունն իր քայլերի մեջ անկեղծ է՝ անկեղծորեն ուզում է համավարակը վերացնել, աշխատողի առողջական խնդիրները լուծել, գործատուին էլ չնեղացնի՝ փոխհատուցի։ Եթե չի ընդունվում առաջարկը, մի տեսակ ստացվում է, որ ամեն ինչը կեղծ է»,-ասաց Սարգիս Կարապետյանը։

Հիշեցնենք, որ սեպտեմբերի 30-ին ևս ՀՅԴ Երևանի Քաղաքային կոմիտեն ակցիա էր իրականացնում կառավարության շենքի դիմաց: Նրանք պահանջում էին հանդիպում առողջապահության նախարարի հետ աշխատավորների մտահոգող հարցերին պատասխան ստանալու համար:

բաժանորդագրվել
Նմանատիպ նյութեր

Լրահոս

բոլոր լուրերը

կայքի հին տարբերակը
Հրապարակումների արխիվ - կայքի նախկին տարբերակը

Հավելվածներ

Հետադարձ կապ

© 2022 YERKIRMEDIA.am Բոլոր իրավունքները պաշտպանված են։

Հեղինակային բոլոր իրավունքները պաշտպանված են: Կայքի նյութերը և լուսանկարները, մասնակի կամ ամբողջական օգտագործելիս, պարտադիր է YerkirMedia.am-ի գրավոր համաձայնությունը և YerkirMedia.am-ին հղումը (hyperlink): Կայքի նյութերի մասնակի կամ ամբողջական հեռուստառադիոընթերցումը, առանց YerkirMedia.am-ի գրավոր համաձայնության, արգելվում է: Կայքում հրապարակված նյութերը պարտադիր չէ, որ արտահայտեն YerkirMedia.am-ի խմբագրության տեսակետը: Գովազդների բովանդակության համար կայքը պատասխանատվություն չի կրում:
կայքի ստեղծումը և սպասարկումը՝
MAXARTS