կարևոր
493 դիտում, 2 շաբաթ առաջ - 2021-10-06 17:32

Եթե Հայաստանի կառավարությունը առաջնորդվում է սովետական սահմաններով, արդյոք պահանջե՞լ կամ պահանջելո՞ւ է Ադրբեջանից իր զորքերը դուրս հանել Արցախից. Արթուր Խաչատրյան

Եթե Հայաստանի կառավարությունը առաջնորդվում է սովետական սահմաններով, արդյոք պահանջե՞լ կամ պահանջելո՞ւ է Ադրբեջանից իր զորքերը դուրս հանել Արցախից. Արթուր Խաչատրյան

Ադրբեջանի հետ Հայաստանի Հանրապետության սահմանի ճշգրտման խնդիրը այսօր էլ քաղաքական օրակարգի առաջնային հարցն է: ԱԺ-ում հարցուպատասխանի ժամանակ ասաց ԱԺ «Հայաստան» խմբակցության պատգամավոր, ՀՅԴ անդամ Արթուր Խաչատրյանը:

«Հայաստանը ազդակներ է ուղարկում, որ պատրաստ է Ադրբեջանի հետ սահմանագծման և սահմանազատման: Որպես սահմանների հետ որոշման բազիստ նշում են նախկին սովետական սահմանները:

Նախորդ քառօրյային ես մեջ բերեցի Ադրբեջանի անկախության մասին սահմանադրական ակտի կետերը, որոնց համաձայն՝ Ադրբեջանը ինքը չի ճանաչում նախկին սովետական սահմանները: Կառավարությունը խոստացավ այդ հարցը ուսումնասիրել:

Այժմ ինձ հետաքրքում է ՀՀ կառավարության դիրքորոշումը: Նախորդ քառօրյայի ժամանակ կառավարության ղեկավարը նշեց, որ ՀՀ-ն ստեղծվել է Սովետական Հայաստանի հիմքի վրա: Սակայն կառավարությունը չի նշում, թե որ թվականի սահմաններով են առաջնորդվելու: 

Հիմա հարցս, եթե Հայաստանի կառավարությունը առաջնորդվում է սովետական սահմաններով, արդյոք սահմանազատման և սահմանագծման գործընթացի շրջանակներում պահանջե՞լ կամ պահանջելո՞ւ է Ադրբեջանից իր զորքերը դուրս հանել Արցախից:

Հարցին պատասխանեց փոխվարչապետ Մհեր Գրիգորյանը՝ ասելով, որ նման գործընթացներում կարևոր են ոչ թե քարտեզները, այլ այն իրավական ակտերը, որոնք վավեր են: