կարևոր
469 դիտում, 1 շաբաթ առաջ - 2021-10-06 14:37

Փաստացի հիմք է պատրաստվում երկրի վերջնական կապիտուլյացիայի համար, ինչը մեզ համար անընդունելի է. Աննա Գրիգորյան

Փաստացի հիմք է պատրաստվում երկրի վերջնական կապիտուլյացիայի համար, ինչը մեզ համար անընդունելի է. Աննա Գրիգորյան

Սա առաջին օդային միջանցքն էր, որ տրվեց Ադրբեջանին: ԱԺ-ում լրագրողների հետ ճեպազրույցի ժամանակ ասաց «Հայաստան» խմբակցության պատգամավոր Աննա Գրիգորյանը՝ անդրադառնալով Հայաստանի օդային ճանապարհով Բաքու-Նախիջևան-Բաքու չվերթին:

Պատգամավորը նշեց, որ այսօր կառավարության անդամների հետ հարցուպատասխանի ժամանակ կհնչեցնեն այդ հարցը և կփորձեն հասկանալ, թե ինչ պայմանում է ստացվել, որ օդային միջանցք է տրամադրվում:

«Այսինքն Իրանը փակում է, իսկ Հայաստանը, որ բազմաթիվ խնդիրներ ունի Ադրբեջանի հետ, առանց դրանք լուծելու, տալիս է այդ օդային միջանցքը: Դա մեզ համար տրամաբանական չէ»,-ասաց պատգամավորը:

Հարցին, թե ինչ հույսով է իրենց թիմը գնում իշխանափոխության օրակարգի հետևից, Աննա Գրիգորյանն ասաց, որ ունեն հստակ օրակարգ և իշխանափոխությունը պետք է անխուսափելի լինի:

«Փաստացի հիմք է պատրաստվում երկրի վերջնական կապիտուլյացիայի համար, ինչը մեզ համար անընդունելի է, և սրա դեմ պայքարելու ենք լինի դա խորհրդարանում, փողոցում, թե այլ հարթակում»,-նշեց Աննա Գրիգորյանը: