Ինձ մոտ տպավորություն է, որ օրակարգին պատշաճ չեք ծանոթացել. Արամ Վարդևանյանը՝ Անդրանիկ Քոչարյանին

Ես ինքս ծանոթացել եմ 13:00-ից հետո ներկայացված գրությանը, որը Ձեր կողմից է ստորագրված: ՀՀ ԱԺ պաշտպանության և անվտանգության հարցերի մշտական հանձնաժողովի արտահերթ նիստի իր ելույթի ժամանակ Անդրանիկ Քոչարյանին ասաց «Հայաստան» խմբակցության պատգամավոր Արամ Վարդևանյանը:

«Բոլոր դեպքերում ինձ մոտ առաջին տպավորությունը, որ առաջանում է, հնարավոր է օրակարգին պարզապես պատշաճ չեք ծանոթացել, որովհետև օրակարգին պատշաճ ծանոթանալու պայմաններում ակնհայտ է դառնում, որ այստեղ որոշման նախագծի մասին խոսք չի կարող լինել: Որոշման նախագիծը բոլոր դեպքերում այն իրավիճակների համար է, որ ինչ-որ քվեարկության, կողմի ու դեմի հարց պետք է առաջանա: Մյուս կողմից, համարենք, ունենք այն իրավիճակը, որ հիմա ունենք, մշտական հանձանժողովի նախագահի դիրքից հանդես եկող պարոն Քոչարյանը գտնում է, որ պետք է բոլոր դեպքերում որոշման նախագիծ ներկայացվի, մենք էլ գտնում ենք, որ կանոնակարգը այս իրավիճակի համար նման պահանջ առհասարակ չի դնում: Այդ դեպքում ի՞նչ է նախատեսում ընդհանուր տրամաբանությունը. կանոնակարգի նիստը գումարվում է բոլոր դեպքերում, որովհետև նախաձեռնողը կա արդեն: Մյուս հանգամանքը ձևական պահանջն է, այն ժամանակ բոլոր դեպքերում նիստը պետք է կայանար, իսկ ես կարծում եմ, որ ոչ ոք չի հերքում, որ նիստը չի կայացել, որովհետև Դուք չեք ներկայացել»,-ասաց Վարդևանյանը:

Հիշեցնենք, որ այսօր՝ հոկտեմբերի 5-ին, ՀՀ ԱԺ պաշտպանության և անվտանգության հարցերի մշտական հանձնաժողովի արտահերթ նիստ էր հրավիրվել։

Հավելենք, որ ընդդիմադիր պատգամավորները բոյկոտեցին ԱԺ պաշտպանության և անվտանգության հարցերի մշտական հանձնաժողովի արտահերթ նիստը: