կարևոր
439 դիտում, 2 շաբաթ առաջ - 2021-10-05 11:05

Անգամ պատերազմի ժամանակ իշխանության գործողությունների հիմքում եղել է ինքնագովազդը. Գեղամ Մանուկյան

ՀՀ ԱԺ «Հայաստան» խմբակցության պատգամավոր Գեղամ Մանուկյանն ասում է, որ 44-օրյա պատերազմի ընթացքում Նիկոլ Փաշինյանը հոկտեմբերի 7-ին ու հոկտեմբերի 19-ին հնարավորություն է ունեցել կանգնեցնելու պատերազմը, սակայն չի գնացել այդ քայլին:

Պատգամավորի խոսքով, սակայն դա չի խանգարել, որ նոյեմբերի 9-ի փաստաթուղթը ստորագրելուց հետո Նիկոլ Փաշինյանը հայտարարի, որ դրանով փրկել է հազարավոր կյանքեր.

«Եթե խնդիրը կյանքեր փրկելն էր, իսկ ինչո՞ւ հոկտեմբերի 7-ին, կամ հոկտեմբերի 19-ին չի օգտագործել պատերազմը կանգնեցնելու հնարավորությունը ու չի փրկել հազարավոր կյանքեր»,-հարցադրում է անում պատգամավորը: