կարևոր
544 դիտում, 2 շաբաթ առաջ - 2021-10-05 10:45

Այն, ինչ կատարվում է Սյունիքում, տարածաշրջանում ուղիղ սպառնալիք է մեր անվտանգությանը. Արծվիկ Մինասյան

Այն, ինչ կատարվում է Սյունիքում, տարածաշրջանում ուղիղ սպառնալիք է մեր անվտանգությանը. Արծվիկ Մինասյան

Ալեն Սիմոնյանի և Հայկ Կոնջորյանի հետ պայմանավորվել էինք, որ բոլոր ջանքերը կգործադրվեն անվտանգային հարցերով հանդիպում կազմակերպելու համար, սակայն մինչ օրս դա տեղի չի ունեցել: Ազգային ժողովի նիստում ասաց «Հայաստան» խմբակցության քարտուղար Արծվիկ Մինասյանը:

«Ինչ վերաբերում է բովանդակային հարցադրումներին, դուք ինքներդ եք այստեղ ասում, որ պետք չէ ամեն հարց հնչի հրապարակային, քանի որ մեր թշնամին էլ է տեսնում և շատ կարևոր է, որ բազմաթիվ հարցերի պատասխաններ ստանանք առանձին քննարկումների միջոցով: Մենք սա ենք ուզում նաև, այլ ոչ թե հրապարակային ինչ որ շոուի տարրեր պարունակող գործողություններ, որովհետև այն, ինչ կատարվում է հատկապես Սյունիքում, տարածաշրջանում տարբեր դերակատարների կողմից հայտարարությունների առումով՝ ուղիղ սպառնալիք է մեր անվտանգությանը»,- ասաց պատգամավորը:

Նա նշեց, որ խնդիրը պարզապես հարցադրումներ անելու մեջ չէ, քանի որ դրանց պատասխանելու փոխարեն Փաշինյանը տարբեր ամբիոններից սկսում է անհիմն մեղադրանքներ հնչեցնել:

«Մենք ասում ենք՝ հարցն ըստ էության քննենք, ասում եք՝ հարց ու պատասախանի ժամանակ տայիք այդ հարցերը, իսկ դա ճիշտ չէ»,- ասաց Արծվիկ Մինասյանը: