Վրաստանի նախկին նախագահ Միխեիլ Սաակաշվիլիին այսօր մեղադրանք կառաջադրվի՝ սահմանի ապօրինի հատման փաստի կապակցությամբ: Գրում է aliq.ge կայքը:
Դատապարտյալ Սաակաշվիլին պաշտոնապես կծանոթանա մեղադրանքին Ռուսթավիի 12-րդ քրեակատարողական հիմնարկում:
Հոկտեմբերի 1-ին ներքին գործերի նախարարությունը հետաքննություն է սկսել Սաակաշվիլիի կողմից` սահմանի անօրինական հատման վերաբերյալ: Հետաքննությունն անցկացվում է Վրաստանի քրեական օրենսգրքի 344-րդ հոդվածի հատկանիշներով:
Հիշեցնենք, որ Վրաստանի նախկին նախագահը ձերբակալվել է հոկտեմբերի 1-ին Թբիլիսիում: