կարևոր
1948 դիտում, 2 շաբաթ առաջ - 2021-10-02 22:46

Իրան-Ադրբեջան թնջուկը. Սյունիքը ռազմավարական նշանակություն ունեցող տարածք է նաև Իրանի համար. ՏԵՍԱՆՅՈւԹ

Իրանի զինված ուժերը որոշել են երկրորդ լայնածավալ զորավարժություններն անցկացնել Ադրբեջանի հետ սահմանին, ինչը տարատեսակ քննարկումների տեղիք է տվել:

Միջազգային լրատվամիջոցների գլխագրերում կարելի է անգամ հանդիպել տարածաշրջանում հնարավոր նոր բախումների մասին ահազանգեր:

Դեռ զորավաժություններից առաջ էլ իրանական կողմն ակնարկել էր, թե քաջ տեղյակ է Ադրբեջանի ու Իսրայելի միջեւ համագործակցությունից ու չի հանդուրժի «սիոնիստական ռեժիմի ցուցադրական ներկայությունը իր սահմանների մոտ»:

Բացի այդ, Թեհրան-Բաքու հարաբերություններում առկա լարվածությունը ջրի երես դուրս եկավ նաեւ այն ժամանակ, երբ շաբաթներ առաջ ադրբեջանական կողմը սկսեց տուրքեր գանձել Գորիս-Կապան ավտոճանապարհով անցնող իրանական բեռնատարներից, հետո էլ ձերբակալեց երկու վարորդների՝ ապօրինի կարգով Արցախ այցելելու համար:

Երկրորդն շաբաթն է՝ ազատազրկված իրանցիների ճակատագրի մասին որեւէ բան չի հաղորդվում:

Իրանական կողմից էլ արդեն բավականին հստակ ազդակներ են գալիս, որ Սյունիքը ռազմավարական նշանակություն ունեցող տարածք է նաեւ Թեհրանի համար:

Վերջին զարգացումներին հետեւել և Իրան-Ադրբեջան լարվածության հիմքում ընկած պատճառներին անդրադարձել է՝ Անահիտ Իվանյանը: