կարևոր
892 դիտում, 2 շաբաթ առաջ - 2021-10-01 20:25

Վրաստանի նախկին նախագահ Միխեիլ Սաակաշվիլին ձերբակալվել է

Վրաստանի նախկին նախագահ Միխեիլ Սաակաշվիլին ձերբակալվել է

Վրաստանի նախկին նախագահ Միխեիլ Սաակաշվիլիին ձերբակալել են վրացի իրավապահները։ Այս մասին ճեպազրույցի ժամանակ ասել է վարչապետ Իրակլի Ղարիբաշվիլին․ գրում է sputnik-georgia.ru-ն:

«Ցանկանում եմ տեղեկացնել, որ Վրաստանի երրորդ նախագահը՝ հետախուզման մեջ գտնվող Միխեիլ Սաակաշվիլին, ձերբակալվել է և տեղափոխվել քրեակատարողական հիմնարկ», - ասել է Ղարիբաշվիլին:

Ավելի վաղ Սաակաշվիլին հայտարարել էր հոկտեմբերի 2-ին և 3-ին Թբիլիսի կատարելիք այցի մասին: Նա համակիրներին հորդորել էր հավաքվել և մեծ խմբերով քայլել դեպի քաղաք, որպեսզի իրեն չկարողանան ձերբակալել: