Պատերազմի 4-րդ օրը զոհված զինծառայողների թիվն ավելացավ 24-ով․ ՏԵՍԱՆՅՈՒԹ

Պատերազմի չորրորդ օրն է, սակայան Արցախյան ռազմաճակատում ռազմական գործողությունները չեն դադարում:

Հայաստանի Պաշտպանության նախարարության ներկայացուցիչ Արծրուն Հովհաննիսյանը հայտարարեց, որ ռազմական գործողությունների օդային ղեկավարումն Ադրբեջանը հանձնել է Թուրքիայի զինված ուժերին: Չնայած դրան՝ շրջանառվում էր «Հաղթելու ենք» կարգախոսը:

Պատերազմում երկու կողմն էլ կորուստներ է կրել, սակայն Արցախի Հանրապետության նախագահը խոսում էր միայն թշնամու կորուստներից:
Հակառակորդի հենակետերի եւ մարտական տեխնիկայի հերթական խոցման հուսադրող տեսանյութ էր հրապարակում Պաշտպանության նախարարի խոսնակ Շուշան Ստեփանյանը :

Ադրբեջանական ագրեսիան հետ մղելու ընթացքում զոհված զինծառայողների թիվը պատերազմի չորրորդ օրը պաշտոնապես ավելացավ 24-ով:
Հետո արդեն պետք է պարզվեր, որ նրանք անհամեմատելի շատ էին։

Արտերկրում մեր հայրենակիցները շարունակում էին բողոքի ակցիաները՝ պահանջելով դատապարտել Ադրբեջանի եւ Թուրքիայի ագրեսիվ գործողությունները: «Արցախը մերն է, Արցախը Հայաստան է»,- այս կոչերով Դաշնակցության երիտասարդական միությունների անդամները հավաքվել են Կիպրոսի կենտրոնական փողոցներում եւ Հունաստանում Ադրբեջանի դեսպանատան դիմաց: 

Մանրամասները՝ Զարուհի Սահակյանի տեսանյութում