կարևոր
385 դիտում, 1 ամիս առաջ - 2021-09-27 21:38

Հայ մարմնակրթական ընդհանուր միության Վարդան Բախշյանի անունը կրող մասնաճյուղն Արմավիրում նոր ու մշտական հասցե ունի․ ՏԵՍԱՆՅՈւԹ

Շարքերը ուղիղ, գլուխները բարձր, քայլերը հստակ. Սկաուտական քայլերթով ու նվագախմբի ուղեկցությամբ սկաուտները գնում են դեպի Արմավիրում վերաբացված Հայ մարմնակրթական ընդհանուր միության՝ Վարդան Բախշյանի անունը կրող մասնաճյուղ: Արմավիրում մինչ այս կառույցը տարիներ շարունակ գործունեություն ծավալել է, բայց նորկառույց շենքում պատանիներն ավելի շատ հարմարություներ կունենան:

Հայ մարմնակրթական ընդհանուր միությունն ունի 14 մասնաճյուղ, որից 7-ը մայրաքաղաքում է, մյուս 7-ն էլ մարզերում: Բոլոր մասնաճյուղերը կրում են տարբեր ժամանակների հերոսների անուններ, Վարդան Բախշյանն էլ նրանցից մեկն էր:

«Թեև ժամանակի ընթացքում ու պատերազմի հետեւանքով մեր ազգը հերոսների պակաս չի զգում, բայց հայրենասեր սերունդ դաստիարակելը եղել է ու շարունակում է մնալ մեր առաքելությունը»,- նշել է Վարդան Բախշյանի մայրը:

Նոր մասնաճյուղը իր դռներն է բացել Արեւմտյան Ամերիկայի երկար տարիների հոմենթմենական Էմիլ Մաղաքյանի եւ իր ընտանիքի աջակցությամբ:

Սանդրա Վարդանյանը հավաստիացրել է՝ Վարդան Բախշյանի անունը կրող մասնաճյուղում կրթվելու են մեր երկրի լավագույն քաղաքացիները, որոնք հավատարիմ մնալով սկաուտների առաջնային կարգախոսներին՝ միշտ պատրասատ կլինեն սպասավող վտանգներին:

Մանրամասնում է՝ Ալիս Մելքոնյանը։