կարևոր
331 դիտում, 3 շաբաթ առաջ - 2021-09-25 16:00

Ի համերաշխություն գործընկերոջը՝ Արմեն Ռուստամյանն ու Հայկ Մամիջանյանը հրաժարվել են մեկնել Ստրասբուրգ

Ի համերաշխություն գործընկերոջը՝ Արմեն Ռուստամյանն ու Հայկ Մամիջանյանը հրաժարվել են մեկնել Ստրասբուրգ

Երեկ դատավոր Աննա Դանիբեկյանը մերժել էր ՀՀ ԱԺ պատգամավոր Արմեն Գեւորգյանի դիմումը եւ փաստացի խոչընդոտել Ազգային ժողովի ԵԽԽՎ պատվիրակության անդամի մասնակցությունը ԵԽԽՎ լիագումար նիստին։

Ավելի ուշ պարզ է դարձել, որ, ի համերաշխություն իրենց գործընկերոջը, Ստրասբուրգ մեկնելուց հրաժարվել են նաև «Հայաստան» խմբակցության պատգամավոր Արմեն Ռուստամյանը և «Պատիվ ունեմ» խմբակցության քարտուղար Հայկ Մամիջանյանը։

«Մեր այս քայլը յուրօրինակ բողոքի ձև է և իշխանություններին ուղղված հստակ ազդակ։ Չունենալով պետության և պետականության հանդեպ տարրական հարգանք՝ իրենք պարզապես չեն հասկանում կամ գիտակցում, որ իրենց այդպիսի ճղճիմ քայլերով ոչ թե ընդդիմությանն են վնասում, այլ պետության միջազգային հեղինակությունն են թուլացնում և հերթական անգամ ցածրացնում մեր երկիրը օտարի առջև։ Սա իրենք պետք է մի օր ընկալեն, եթե իհարկե, ի վիճակի են»,- մեկնաբանելով իր քայլը նշել է ՀՅԴ Բյուրոյի նախագահ, «Հայաստան» խմբակցության պատգամավոր Արմեն Ռուստամյանը։