կարևոր
2608 դիտում, 3 շաբաթ առաջ - 2021-09-25 11:47

2 դեղաչափ պատվաստվելուց հետո քաղաքացին վարակվել ու մահացել է կորոնավիրուսից․ Արա Զոհրաբյան

2 դեղաչափ պատվաստվելուց հետո քաղաքացին վարակվել ու մահացել է կորոնավիրուսից․ Արա Զոհրաբյան

Սեպտեմբերի 17-ին կորոնավիրուսի դեմ պատվաստված մարդը մահացել է կորոնավիրուսից: Այս մասին իր հայտնել է «Ազատ կամք» նախաձեռնության հիմնադիր, ՀՀ փաստաբանների պալատի նախկին նախագահ Արա Զոհրաբյանը:

Վերջինս հիշեցրել է Փաշինյանի՝ կառավարության սետեմբերի 24-ի նիստում հնչեցրած խոսքը, թե «ավելի քան 300.000 պատվաստումներից մենք չունենք հիշատակության արժանի բարդություն»:

Զորաբյանը նշել է, որ Փաշինյանը ապատեղեկատվություն է տրամադրում ու ներկյացրել հիշատակման արժանի բարդության դեպք, ինչպես նաև՝ հրապարակել փաստաթուղթ։

«Վստահ եմ, որ ապատեղակատվություն է ներկայացվել Նիկոլ Փաշինյանին, քանի որ այդպիսի ոչ արժանահավատ պնդում չէր կարող կատարել (առայժմ այլ պնդում չեմ անում): Մինչդեռ հիշատակության արժանի բարդություն է արձանագրվել Թեմուր Գրիգորի Նարինյանի մոտ: Թեմուր Նարինյանը պատվաստված էր (առաջին դեղաչափ՝ 27.07.2021թ., 2-րդ դեղաչափ՝ 31.08.2021թ.), սակայն վարակվել է կորոնավիրուսով, սեպտեմբերի 11-ին հոսպիտալացվել է, իսկ 2021 թ. սեպտեմբերի 17-ին մահացել է կորոնավիրուսից»։

Զոհրաբյանը վստահ է, որ դեպքի մասին Փաշինյանին չեն տեղեկացրել, հակառակ դեպքում նման պատասխանատու տվյալ չէր կարող վարչապետի պաշտոնը զբաղեցնող անձը թաքցնել։

Զոհրաբյանը ներկայացրեց նաև մահվան մասին վկայող փաստաթուղթ, որը տրվել է սեպտեմբերի 18-ին։ Անձի մոտ եղել է շնչառական անբավարարվածություն, գրանցվել է վիրուսային թոքաբորբ, մահվան հիմնական պատճառ ախտաբանական վիճակ նշված է՝ կորոնավիրուս։