կարևոր
694 դիտում, 3 շաբաթ առաջ - 2021-09-23 16:43

ՀՅԴ Հայ դատի Կանադայի հանձնախումբը աշխատանքներ է տանում, որպեսզի Կանադան Հայաստանում ունենա դիվանագիտական ներկայացուցչություն

ՀՅԴ Հայ դատի Կանադայի հանձնախումբը աշխատանքներ է տանում, որպեսզի Կանադան Հայաստանում ունենա դիվանագիտական ներկայացուցչություն

ՀՅԴ Հայ դատի Կանադայի հանձնախումբը տևական աշխատանք է տանում, որպեսզի Կանադան Հայաստանում ունենա դիվանագիտական ներկայացուցչություն, ինչը որակական նոր մակարդակի կբարձրացնի հայ-կանադական միջպետական հարաբերությունները։

Կանադայի կառավարությանը հղված գրության մեջ Հայ դատի Կանադայի հանձնախմբի ղեկավարները նշել են, որ Կանադան «Մեծ յոթնյակի» միակ երկիրն է, որը Հայաստանում դեսպանություն չունի և այդ հանգամանքը բացասաբար է ազդել Կանադայի տարածաշրջանային դերակատարության վրա։

Հիշեցնենք՝ հանձնախմբի գործողությունների արդյունքում՝ ամիսներ առաջ կանադական կառավարությունը որոշում էր ընդունել, իբրև հատուկ բանագնաց Հայաստան գործուղել նախկին արտգործնախարար, դեսպան Սթեֆն Դիոնին։