կարևոր
637 դիտում, 3 շաբաթ առաջ - 2021-09-23 12:36

Մարդուն անկախ իր կամքից որևէ բան պարտադրելը հակասում է նաև Սահամանադրությանը. Թագուհի Թովմասյան

Մարդուն անկախ իր կամքից որևէ բան պարտադրելը հակասում է նաև Սահամանադրությանը. Թագուհի Թովմասյան

Խորհրդարանում կորոնավիրուսային համավարակով պայմանավորված խստացումների վերաբերյալ լսումների ընթացքում ԱԺ մարդու իրավունքների պաշտպանության և հանրային հարցերի հանձնաժողովի նախագահ Թագուհի Թովմասյանը խնդրահարույց համարեց հոկտեմբերի 1-ից ուժի մեջ մտնող նախագիծը, որով բոլոր աշխատողներից պահանջվում է ամիսը 2 անգամ պարտադիր ՊՇՌ թեստի հանձնել կամ պատվաստվել:

Ըստ նրա՝ մարդուն անկախ իր կամքից որևէ բան պարտադրելը հակասում է նաև սահամանադրությանը.

«Մի կողմից կա հանրային շահի՝ առողջության ապահովման խնդիր, մյուս կողմից էլ մարդկանց իրավունքի խնդիր կա, երբ նրանց պարտադրվում է որևէ բան՝ անկախ իրենց կամքից, որը հակասության մեջ է Սահմանադրության հետ, իսկ ներկայացված օրենքի նախագիծը բավականին խնդրահարույց հարցեր է պարունակում»,-ասաց Թովմասյանը:

Նրա խոսքով՝ պատվաստումը Հայաստանում այդպես էլ հանրային պահանջարկ չի դառնում.

«Քարոզարշավն անընդհատ այսպես է գնում՝ պատվաստվեք՝ թատրոնի տոմս կտանք, կճամփորդենք, բայց մարդկանց մեջ այդպես էլ չի մտնում այն կարևոր դրույթը, որ պետք է պատվաստվալ, որպեսզի՝ հիվանդությունը ծանր չտանեն և չմահանան»,-ասաց նա և հավելեց, որ ՀՀ բնակչության 7%-ը կամովին պատվաստվել են, իսկ մնացած 93%-ը պարտադրանքի դաշտում են մնացել: