կարևոր
685 դիտում, 4 շաբաթ առաջ - 2021-09-22 18:05

Իշխանությունը սաբոտաժի է ենթարկում պաշտպանության և անվտանգության հարցերի հանձնաժողովի բնականոն աշխատանքը․ Արթուր Ղազինյան

Իշխանությունը սաբոտաժի է ենթարկում պաշտպանության և անվտանգության հարցերի հանձնաժողովի բնականոն աշխատանքը․ Արթուր Ղազինյան

«Հայաստան» խմբակցությունը կրկին առաջադրել էր Արթուր Ղազինյանի թեկնածությունը պաշտպանության և անվտանգության հարցերի հանձնաժողովի փոխնախագահի պաշտոնում, սակայն ՔՊ-ն չորրորդ անգամ տապալեց Ղազինյանի ընտրությունը։

Ընդդիմությունն առաջարկել է նիստի օրակարգում ներառել և քննարկել Սյունիքում տիրող իրավիճակը, սակայն ՔՊ-ական նախագահը չի համաձայնվել, նշելով, որ հիմա ՔՊ պատգամավորներից մեկը «Զանգեզուրում է, և այդ հարցով կզբաղվեն մյուս շաբաթ»։

«Զանգեզուր չէ, Սյունիք է», - արձագանքել է Ղազինյանը։

Դրանից հետո Արթուր Ղազինյանը բոյկոտել է իր թեկնածության քննարկումը և լքել նիստը․ ընդդիմադիր գործընկերները հետևել են նրան։

«Եկել էի նիստի՝ քննարկելու Սյունիքում տիրող իրավիճակը։ Երբ ՔՊ-ն մերժեց այդ կարևոր առաջարկը, այլևս նպատակահարմար չեմ համարել մնալ դահլիճում։ Իշխանությունը սաբոտաժի է ենթարկում այս հանձնաժողովի բնականոն աշխատանքը», - նշել Ղազինյանը։