կարևոր
511 դիտում, 3 շաբաթ առաջ - 2021-09-22 16:42

ՀԱՊԿ-ը Հայաստանում սեպտեմբերի 24-28-ը կանցկացնի վարժանքներ

ՀԱՊԿ-ը Հայաստանում սեպտեմբերի 24-28-ը կանցկացնի վարժանքներ

Սեպտեմբերի 24-ից 28-ը Հայաստանում անցկացվելու են «Որոտ-2021» վարժանքները՝ ՀԱՊԿ օպերատիվ արձագանքման հավաքական ուժերի կազմում գտնվող թմրանյութերի անօրինական շրջանառության հակազդման հարցերով զբաղվող հատուկ ծառայությունների, դրանց ստորաբաժանումների  եւ ՆԳ մարմիննների մասնակցությամբ:

Վարժանքների առաջին փուլում հատուկ նշանակության ջոկատներն ու ՀՀ զինված ուժերը առաջադրանքներ են կատարելու լեռնային բարդ տեղանքում: Անցկացվելու են նաեւ հրամանատարաշտաբային վարժանքներ՝ հատուկ գործողության մշակման ու իրականացման նպատակով:

Առաջադրանքները կատարելիս ՀԱՊԿ անդամ երկրների հատուկ նշանակության ուժերը, Հայաստանի զինված ուժերի ստորաբաժանումների եւ սահմանապահ զորքերի հետ, կկատարելագործեն փոխգործակցության ուղիները, հավելյալ փորձ ու հմտություններ ձեռք կբերեն՝ ռազմական գործողություններին հնարավորինս նմանեցված պայմաններում հատուկ գործողության անցկացման համար:

Վարժանքների երկրորդ փուլում մարտական հրաձգության մրցում է անցկացվելու: