կարևոր
511 դիտում, 4 շաբաթ առաջ - 2021-09-20 11:19

Հայտնի են ՌԴ Պետդումայի ընտրությունների նախնական տվյալները

Հայտնի են ՌԴ Պետդումայի ընտրությունների նախնական տվյալները

Ռուսաստանում ամփոփում են սեպտեմբերի 17-19-ին տեղի ունեցած 8-րդ գումարման Պետական Դումայի ընտրությունների արդյունքները։ Ընտրատեղամասերը երեք օր բաց են եղել տեղական ժամանակով ժամը 08:00-ից 20:00 -ն: Այս մասին տեղեկացնում է Ria.ru-ն:

Ըստ նախնական արդյունքի՝ առաջադրված 14 կուսակցությունից 5-ը տեղ կունենա Դումայում՝ քվեների 67,79 տոկոսի մշակման նախնական արդյունքների հիման վրա։

Շեմը հաղթահարած 5 կուսակցությունն են․

1․ «Եդինայա Ռոսիա»- 49,42 տոկոս,

2․ ՌԴ Կոմունիստական կուսակցություն- 19.82 տոկոս,

3․ ՌԴ Լիբերալ-Դեմոկրատական կուսակցություն- 7,55 տոկոս,

4․ Արդար Ռուսաստան-Հանուն ճշմարտության- 7,37 տոկոս,

5․ «Նոր մարդիկ» կուսակցություն- 5,38 տոկոս։

Քվեարկության հիմնական օրը սեպտեմբերի 19-ն էր: Խորհրդարանի անդամներն ընտրվում են 5 տարի ժամկետով` խառը համակարգով. 225 պատգամավոր` ըստ կուսակցական ցուցակների, ևս 225 -ը` մեկ մանդատ ունեցող ընտրատարածքներում՝ մեկ փուլով: