կարևոր
544 դիտում, 4 շաբաթ առաջ - 2021-09-18 12:32

Պենտագոնը խոստովանել է՝ Քաբուլում սխալմամբ բնակելի շենքի են հարվածել

Պենտագոնը խոստովանել է՝ Քաբուլում սխալմամբ բնակելի շենքի են հարվածել

Պենտագոնը խոստովանել է, որ օգոստոսի 29-ին ամերիկյան անօդաչու սարքով սխալմամբ հարվածել են Աֆղանստանի մայրաքաղաք Քաբուլի բնակելի շենքերից մեկին, ինչի հետեւանքով էլ առնվազն 10 մարդ, այդ թվում՝ երեխաներ են զոհվել:

Ամերիկյան ռազմական գերատեսչությունը հետագայում պարզել է, որ զոհվածներն ու տուժածները որեւիցե առնչություն չունեն ահաբեկիչների հետ:

«Մենք անկեղծորեն վստահ էինք, որ հարվածը կանխելու է օդանավակայանում մեր ուժերի ու մարդկանց դեմ սպառնալիքը: Բայց դա սխալմունք էր: Ես անկեղծորեն ներողություն եմ խնդրում»,- ասել է Միացյալ Նահանգների կենտրոնական հրամանատարության ղեկավար Ֆրենկ Մաքենզին:

Վաշինգտոնը խոստացել է ուսումնասիրել մահացածների հարազատներին փոխհատուցում տրամադրելու հարցը: