կարևոր
487 դիտում, 1 ամիս առաջ - 2021-09-16 11:09

Դուշանբեում մեկնարկել է ՀԱՊԿ անդամ երկրների ղեկավարների հանդիպումը

Դուշանբեում մեկնարկել է ՀԱՊԿ անդամ երկրների ղեկավարների հանդիպումը

Տաջիկստանի մայրաքաղաք Դուշանբեում այսօր առավոտյան մեկնարկել է Հավաքական անվտանգության պայմանագրի կազմակերպության խորհրդի նիստը:

«ՀԱՊԿ անվտանգության գոտում իրավիճակը ոչ միայն անկայուն է, այլեւ ռիսկեր է պարունակում տարածաշրջանի երկրների համար»,- իր ելույթում նշել է Ռուսաստանի նախագահը:

Վլադիմիր Պուտինը «մեղմ ասած՝ հապճեպ» է անվանել ԱՄՆ-ի գլխավորած կոալիցիոն ուժերի դուրսբերումն Աֆղանստանից՝ հիշեցնելով, որ այդ պատճառով է տարածաշրջանում առաջացել սպառնալիքներ:

Նա կոչ է արել ՀԱՊԿ անդամ պետություններին անվտանգության ապահովման համար համախմբվել ու համատեղել ջանքերը:

Նշենք, որ Պուտինը տեսակապով է մասնակցում միջոցառմանը. նա արդեն քանի օր է ինքնամեկուսացել է: Մյուս առաջնորդները, ինչպես նաեւ գլխավոր քարտուղար Ստանիսլավ Զասը ներկա են: Գագաթաժողովին մասնակցում է նաեւ Նիկոլ Փաշինյանը, որը այսօր նիստից առաջ առաձնազրույց է ունեցել նախագահ Էմոմալի Ռահմոնի հետ: