կարևոր
505 դիտում, 1 շաբաթ առաջ - 2021-09-15 16:24

ՀՀ ԱԳՆ նախարարը չի մասնակցել ՀԱՊԿ նիստին օդանավի անսարքության պատճառով

ՀՀ ԱԳՆ նախարարը չի մասնակցել ՀԱՊԿ նիստին օդանավի անսարքության պատճառով

Օդանավի անսարքության պատճառով ՀՀ արտաքին գործերի նախարար Արարատ Միրզոյանը չի կարողացել մեկնել Դուշանբե՝ մասնակցելու ՀԱՊԿ Արտաքին գործերի նախարարների, Պաշտպանության նախարարների և ԱԽ քարտուղարների համատեղ նիստին, Aysor.am-ի թղթակցի հետ զրույցում ասաց ԱԳՆ մամուլի խոսնակ Վահան Հունանյանը։

«Բայց նա Դուշանբե մեկնելու է, որտեղ վաղը մասնակցելու է ՀԱՊԿ կառույցների աշխատանքին։ Նախատեսված է նաև երկկողմ հանդիպում», - ասաց Վահան Հունանյանը։

Նախարարի մամուլի խոսնակն ասաց, որ օդանավը եղել է քաղաքացիական։ Այլ մանրամասներ Հունանյանը չներկայացրեց։ 

Նշենք, որ Հայաստանից ներկա էր միայն Անվտանգության խորհրդի քարտուղար Արմեն Գրիգորյանը, իսկ Արտգործնախարար Արարատ Միրզոյանն ու Պաշտպանության նախարար Արշակ Կարապետյանը բացակայում էին: