կարևոր
997 դիտում, 2 շաբաթ առաջ - 2021-09-14 15:12

Իրանի ԱԳՆ-ն արձագանքել է Սյունիքում տիրող իրավիճակին՝ իրանական բեռնատարները կանգնեցնելու հետ կապված

Իրանի ԱԳՆ-ն արձագանքել է Սյունիքում տիրող իրավիճակին՝ իրանական բեռնատարները կանգնեցնելու հետ կապված

Իրանի ԱԳՆ պաշտոնական ներկայացուցիչ Սայիդ Խաթիբզադեն հայտարարել է, որ հարևանների հետ հարաբերություններն առաջնահերթություն են Իրանի համար, որն արտահայտվում է որպես նախագահ Իբրահիմ Ռաիսիի արտաքին քաղաքականության հիմնարար մոտեցում:

«Մենք փորձում ենք Իրանի Իսլամական Հանրապետության հնարավորություններն օգտագործել տարածաշրջանային զարգացման, խաղաղության և կայունության համար` բոլոր հարևանների մասնակցությամբ: Մասնավորապես, օրակարգում են Հայաստանի, ինչպես նաև մեր մյուս հարևանների հետ հարաբերությունները»,- ասել է Խաթիբզադեն:

Գորիս-Կապան միջպետական ճանապարհը շարունակում է խցանված մնալ:

Երեկվանից այդ ճանապարհի Որոտան բնակավայրի մոտ ադրբեջանցի ոստիկանները կանգնեցնում, ստուգում են իրանական բեռնատարների ու բեռի փաստաթղթերը, ինչպես նաեւ գումար վերցնում:

Հիշեցնենք, որ օրեր առաջ Որոտան բնակավայրի մոտ ադրբեջանցիները ոստիկանական անցակետ էին տեղադրել

Նշենք, որ օգոստոսի 25-ից ադրբեջանցի զինվորականները փակել էին Կապան-Գորիս ավտոմայրուղու Կարմրաքար-Շուռնուխ հատվածի երթևեկությունը: Օգոստոսի 26-ին թշնամու զինվորականները փակել են Գորիս-Որոտան հատվածը։ 

Օգոստոսի 27-ի դրությամբ, վերականգվել էր Մ2 միջպետական ճանապարհի Գորիս-Շուռնուխ-Կապան հատվածի երթևեկությունը: Որոտան և Նոր Առաջաձոր հատվածներում տեղադրվել էին բետոնե թափարգելներ՝ այդ հատվածներում երթևեկությունը դանդաղեցնելու նպատակով:

Ճանապարհի այդ հատվածների հսկողությունը իրականացնելու էին ռուս սահմանապահները: