կարևոր
220 դիտում, 2 շաբաթ առաջ - 2021-09-14 11:20

Առողջապահության նախարարի առաջարկած կարգավորումները հակաիրավական են հետևյալ հիմնավորումներով

Առողջապահության նախարարի առաջարկած կարգավորումները հակաիրավական են հետևյալ հիմնավորումներով

«Իրավունքների պաշտպանություն առանց սահմանների» հասարակական կազմակերպությունը ներկայացրել է կարծիք Կորոնավիրուսային հիվանդության կանխարգելման նոր միջոցառումների, այդ թվում՝  ՀՀ առողջապահության նախարարի 20 օգոստոսի 2021թ. ՀՀ առողջապահության նախարարի 2020թ. օգոստոսի 4-ի թիվ 17-Ն և 2020թ. սեպտեմբերի 18-ի թիվ 24-Ն հրամաններում փոփոխությունների և լրացումներ կատարելու մասին թիվ 65-Ն հրամանով և «Հանրային ծառայության մասին» ՀՀ օրենքում փոփոխություններ և լրացումներ կատարելու մասին ՀՀ օրենքի նախագծով նախատեսվող փոփոխությունների վերաբերյալ։

«Առողջապահության նախարարի կողմից սահմանված կարգավորումները, որոնցով սահմանվում է աշխատողների կողմից յուրաքանչյուր 14 օրը մեկ կորոնավիրուսային հիվանդության ախորոշման ՊՇՌ հետազոտության բացասական արդյունքը հավաստող առավելագույնը 72 ժամ վաղեմության սերտիֆիկատ ներկայացնելու պարտականություն, բացառությամբ ամբողջական պատվաստված, մեկ դեղաչափ պատվաստված, փաստագրված բացարձակ հակացուցում ունեցող աշխատողների և հղիների։

Մյուս կողմից՝ «Հանրային ծառայության մասին» ՀՀ օրենքում փոփոխություններ կատարելու նախագիծը, որով, ի լրումն վերը նշվածի, նախատեսվում է սահմանել «հանրային պաշտոն զբաղեցնող անձին կամ հանրային ծառայողին աշխատանքի (ծառայության) չթույլատրելու, պաշտոնից կամ ծառայությունից ազատելու (լիազորությունները կամ ծառայությունը դադարեցնելու) առանձնահատուկ հիմքեր՝ վերը նշված պարտականությունները չկատարելու դեպքում,

Հակաիրավական են հետևյալ հիմնավորումներով․

  • Նախատեսվող միջոցառումները անհրաժեշտ, համաչափ և հիմնավոր չեն հետապնդվող նպատակին հասնելու համար, այն է՝ կանխարգելելու կորոնավիրուսային հիվանդության տարածվածությունը և պաշտպանելու Հայաստանի Հանրապետության իրավազորության ներքո գտնվող անձանց կյանքն ու առողջությունը:
  • Ավելին, դրանք խտրական են և կարող են հանգեցնել ինչպես պետական կառավարման և տեղական ինքնակառավարման մարմինների, այնպես էլ մասնավոր կազմակերպությունների աշխատողների իրավունքների խախտումների:
  • Քննարկվող կարգավորումները հակասում են Հայաստանի Հանրապետության սահմանադրությանը, և մասնավորապես Սահմանադրության 28-րդ, 29-րդ, 31-րդ, 57-րդ, 78-րդ հոդվածներին:

Հիմք ընդունելով վերոգրյալը՝ առաջարկում ենք.

  • Անվավեր ճանաչել և վերացնել ՀՀ առողջապահության նախարարի 20․08.2021 թ.-ի N 65-Ն հրամանը,
  • Հետ կանչել Հանրային ծառայության մասին ՀՀ օրենքում փոփոխություններ և լրացումներ կատարելու մասին ՀՀ օրենքի նախագիծը,
  • Շահագրգիռ կողմերի հետ քննարկել կանխարգելիչ միջոցառումների կիրառման հարցերը՝ բացառելու մարդու իրավունքների չհիմնավորված սահմանափակումների, այդ թվում՝ խտրականության և աշխատանքային իրավունքների խախտումների հնարավորությունը:

Առավել մանրամասն տեղեկությունների համար՝ այստեղ: