կարևոր
826 դիտում, 1 շաբաթ առաջ - 2021-09-13 20:28

Հյուսիսային Կորեան նոր հրթիռ է փորձարկել

Հյուսիսային Կորեան նոր հրթիռ է փորձարկել

Հյուսիսային Կորեան կրկին իր վրա է սեւեռել միջազգային հանրության ուշադրությունը՝ տեւական դադարից հետո իրականացնելով հրթիռային նոր փորձարկում:

Անցած հանգստյան օրերին պաշտոնական Փհենյանը փորձարկել է նոր հեռահար թեւավոր հրթիռ, որը խոցել է թիրախը 1500 կիլոմետր հեռավորության վրա՝ ընկնելով Հյուսիսային Կորեայի տարածքային ջրերում:

Հյուսիսային Կորեայի պետական լրատվամիջոցները ընդգծում են՝ այս հրթիռը ռազմավարական նշանակության զենք է, կարող է հարվածել հարեւան Ճապոնիայի մեծ մասին:

Միացյալ Նահանգներն այս փորձարկումը վտանգավոր է համարում միջազգային հանրության,եւ հատկապես՝ Ճապոնիայի համար: Վերլուծաբանների կարծիքով՝ Փհենյանը ցանկանում է ցույց տալ աշխարհին, որ, չնայած երկրում խորացող տնտեսական ճգնաժամին եւ պարենի պակասին, դեռ ունակ է զենք մշակել: