կարևոր
223 դիտում, 4 օր առաջ - 2021-09-13 12:03

Ողջամիտ կասկած է առաջացել, որ դուք ուզում եք Արցախից վերջնականապես հրաժարվել. Արմեն Ռուստամյան. ՏԵՍԱՆՅՈՒԹ

Մենք անընդհատ մի զավեշտալի իրականության ենք բախվում, երբ փորձում ենք արժևորել, կարևորել Արցախի հարցը, մեզ միշտ ասում են, որ ավելի կարևոր ու արժևորված ձև ունենք, այդ ձևով ենք աշխատում:Այսօր ԱԺ-ում հայտարարեց «Հայաստան» խմբակցության պատգամավոր Արմեն Ռուստամյանը՝ դիմելով իշխանության ներկայացուցիչներին:

Նա հիշեցրեց՝ երբ ԱԺ-ում Արցախի հարցը քննարկել են, իշխանությանն ասել է՝ միջխորհրդարանական հանձնաժողով կա, որը շատ ավելի բարձր մակարդակով է գործում, և դրա մակարդակը չպետք է իջեցվի՝ այլ հանձնաժողով ստեղծելով:

«Պարզվեց, որ Արցախի Հանրապետության ազգային ժողովի հետ, որն ընտրվել է 2020-ին, ոչ մի նիստ չի գումարվել այդ հանձնաժողովի շրջանակում: Այսքանից հետո մերժում եք հանձնաժողովների ստեղծման գաղափարը, ընդհանրապես Արցախ անունը և մեզ մի բան եք ասում, որն ընդհանրապես իրականությանը չի համապատասխանում:

Արցախի 30-ամյակն ենք նշել այսքան ցածր մակարդակով, որ երբեք որևէ հոբելյան չի նշվել: Այսքանից հետո ուզում եք մեզ համոզել, որ Արցախն ավելի՞ եք կարևորում: Ողջամիտ կասկած է առաջացել, որ դուք ուզում եք Արցախից վերջնականապես հրաժարվել»,-ասաց Ռուստամյանը: