կարևոր
958 դիտում, 4 օր առաջ - 2021-09-13 00:54

Ավարտվեցին ՀՀ փաստաբանների պալատի նախագահի ընտրությունները. ընտրված թեկնածուն Սիմոն Բաբայանն է

Ավարտվեցին ՀՀ փաստաբանների պալատի նախագահի ընտրությունները. ընտրված թեկնածուն Սիմոն Բաբայանն է

 Ավարտվեցին ՀՀ փաստաբանների պալատի նախագահի ընտրությունները: 937 «կողմ» ձայնով այդ պաշտոնին է ընտրվել Սիմոն Բաբայանը: Երկրորդ թեկնածու՝ Գևորգ Գյոզալյանը ստացել է 144 փաստաբանի աջակցություն: Հիշեցնենք՝ ՓՊ նախագահի թեկնածուները երեքն էին՝ Սիմոն Բաբայանը, Գևորգ Գյոզալյանը և Թամարա Պողոսյանը, վերջինս, սակայն, ընտրությունից օրեր առաջ ինքնաբացարկ հայտնեց:

Փաստաբանների պալատի գործող նախագահ Արա Զոհրաբյանի հայտարարությունը ընտրությունների մասին.

«Քվեարկությանը մասնակցած 1111 փաստաբանների 84,3 տոկոս (937) կողմ ձայներով Սիմոն Բաբայանն ընտրվել է Հայաստանի Հանրապետության փաստաբանների պալատի նախագահ և իր լիազորությունները ստանձնելու է 2021 թվականի հոկտեմբերի 5-ից:

Շնորհավորում եմ Սիմոն Բաբայանին՝ մաղթելով հաջողություն: Լավ փաստաբան, դասախոս, գիտնական և հմուտ ու բարեխիղճ կառավարիչ, այն նվազագույնը, ինչը կարելի է ասել Սիմոն Բաբայան մասնագետի մասին: Փաստաբաններն ընտրեցին անկախությունը, միասնականությունը, ձեռքբերումները պահպանելու և զարգացնելու ուղղությունը:

Փաստաբանները մերժեցին քանդելու, քաոս ստեղծելու և բամբասանքների ճանապարհը:

Ցանկանում եմ շնորհակալություն հայտնել հանուն անկախության ու միասնականության քվեարկած փաստաբաններին: Մենք ուժեղ ենք միասին:

Հ.Գ. Փաստաբանների պալատի նախորդող տարիների հետ կապված ամփոփիչ խոսքս կներկայացնեմ 2021թ. հոկտեմբերի 5-ին:»: