կարևոր
1084 դիտում, 6 օր առաջ - 2021-09-12 19:10

Որոտան բնակավայրի մոտ Ադրբեջանի ոստիկանությունն իրանական պետհամարանիշներով բեռնատարների վարորդների ու բեռի փաստաթղթերի ստուգում է իրականացնում. ԱԱԾ

Որոտան բնակավայրի մոտ Ադրբեջանի ոստիկանությունն իրանական պետհամարանիշներով բեռնատարների վարորդների ու բեռի փաստաթղթերի ստուգում է իրականացնում. ԱԱԾ

ՀՀ Ազգային անվտանգության ծառայությունը հաղորդագրությամբ տեղեկացնում է, որ Գորիս-Կապան միջպետական ճանապարհի Որոտան բնակավայրի մոտ Ադրբեջանի ոստիկանության կողմից իրականացվում է իրանական պետհամարանիշներով բեռնատարների վարորդների ու բեռի փաստաթղթերի ստուգում։

«Սեպտեմբերի 12-ին, ժամը 12։00-ից Գորիս-Կապան միջպետական ճանապարհի Որոտան բնակավայրի մոտ Ադրբեջանի վերահսկողության տակ գտնվող Էյվազլի բնակավայրի հատվածում, Ադրբեջանի Հանրապետության ոստիկանության կողմից իրականացվում է իրանական պետհամարանիշներով բեռնատարների վարորդների ու բեռի փաստաթղթերի ստուգում։

ՀՀ ազգային անվտանգության ծառայության սահմանապահ զորքերի և ՌԴ ԱԴԾ սահմանապահ ծառայության զինծառայողների կողմից համատեղ աշխատանքներ են իրականացվում առաջացած իրավիճակը կարգավորելու ուղղությամբ»։

Ուշագրավ մեկ դիտարկում. ԱԱԾ-ն կրկնում է ադրբեջաներեն տեղանուններն օգտագործելու արատավոր գործելաոճը: