կարևոր
715 դիտում, 2 շաբաթ առաջ - 2021-09-11 18:26

Ադրբեջանի շարունակական սադրիչ գործողությունները և ագրեսիվ հռետորաբանությունը պետք է ստանան միջազգային հանրության պատշաճ և հասցեական արձագանքը

Ադրբեջանի շարունակական սադրիչ գործողությունները և ագրեսիվ հռետորաբանությունը պետք է ստանան միջազգային հանրության պատշաճ և հասցեական արձագանքը

Արցախում 44-օրյա պատերազի հետևանքով ստեղծված իրավիճակը և հրատապ լուծում պահանջող հումանիտար խնդիրներն են քննարկվել՝  ՀՀ ԱԳ նախարար Արարատ Միրզոյանի և Հայաստանում Նիդեռլանդների դեսպան Նիկոլաս Սխերմերսիի հանդիպման ընթացքում։

Քննարկման ժամանակ շեշտվել է Ադրբեջանում պահվող հայ ռազմագերիների և քաղաքացիական անձանց շուտափույթ հայրենադարձման անհրաժեշտությունը։

ՀՀ ԱԳՆ նախարարը բարձր է գնահատել նաև նիդեռլանդական կողմի դիրքորոշումը Արցախի դեմ Ադրբեջանի կողմից սանձազերծված ագրեսիայի վերաբերյալ, Նիդեռլանդների խորհրդարանի կողմից Ադրբեջանի և Թուրքիայի գործողությունները դատապարտող բանաձևերի ընդունումը, ինչպես նաև  շեշտել է, որ Ադրբեջանի շարունակական սադրիչ գործողությունները և ագրեսիվ հռետորաբանությունը պետք է ստանան միջազգային հանրության պատշաճ և հասցեական արձագանքը։