կարևոր
385 դիտում, 1 շաբաթ առաջ - 2021-09-09 22:43

Համավարակն ու պատերազմը նյութական վնասների է հասցրել «Արմենիա» ավիաընկերությունը. ՏԵՍԱՆՅՈՒԹ

Համավարակն ու պատերազմն իրենց բացասական ներգործությունն են ունեցել նաեւ «Արմենիա» ավիաընկերության վրա:

2020 թվականի մարտից, երբ Հայաստանի օդայաին տարածքը փակվեց` ամիսներ շարունակ, ինչպես համաշխարհային մի շարք ավիաընկերություններ, այդպես էլ հայկականը` դադարեցրին աշխատանքը:

Պատկերն այլ էր 44-օրա պատերազմի օրերին, ընկերությունն անվճար հումաինիտար չվերթներ է կատարել դեպի Հայաստան:

«Արմենիա» ավիաընկերությունը 2021 թվականին առաջին անգամ գործարկել է զբոսաշրջային բաժինը, որի շնորհիվ ուղեւորները կարող են փաթեթներ ձեռք բերել դեպի Հուրգադա եւ Շարմ էլ Շեյխ քաղաքներ:

Սեպտեմբերի 20-ից էլ ընկերությունն ամենօրյա գրաֆիկով իրականացնելու է Երեւան-Մոսկվա-Երեւան եւ Երեւան-Թբիլիսի-Երեւան չվերթերը:

Ըստ ավիաընկերության փոխտնօրեն, կոմերցիոն գծով տնօրեն Գեւորգ Խաչատրյանի՝ այս չվերթները Երեւանը դարձնելու են տարանցիկ կետ եւ Հայաստանի համար լրացուցիչ եկամուտներ ապահովելու հնարավորություն են ստեղծելու:

2020-ի սեպտեմբերից Թուրքիայի օդային տարածքի փակ լինելու հանգամանքն էլ ընկերության համար լրացուցիչ ծախսեր ու դժվարություններ էր առաջացրել:

Մանրամասները՝ Ալիսա Մելքոնյանի տեսանյութում։